Satellogic ka lajmëruar ditën e djeshme se ka arritur të nënshkruajë një marrëveshje 3 vjeçare prej $6 milionë me qeverinë shqiptare për të zhvilluar një grup satelitor të dedikuar. Ky program unik vjen nga modeli Constellation-as-a-service i Satellogic dhe do t’i ofrojë Shqipërisë aftësi mbikëqyrjeje satelitore në të gjithë territorin.
Shërbimet e ofruara nga Satellogic mundësojnë që bashkitë dhe qeveritë të menaxhojnë një flotë satelitësh mbi një zonë specifike interesi dhe të zhvillojnë një program për observimin e tokës me frekuencë, rezolucion dhe kosto të pakrahasueshme. Në këtë mënyrë qeveria shqiptare do të ketë mundësinë të mbikëqyrë aktivitete të ndryshme, si për shembull zhvillimin bujqësor, mbjelljen e bimëve të paligjshme, aktivitetin e ndërtimeve pa leje, menaxhimin e trafikut, monitorimin e zjarreve, sigurinë kufitare dhe monitorimin ambiental përmes imazheve me cilësi të lartë në të gjithë shtetin dhe me një kosto të favorshme.
Shqipëria do të fitojë akses në 2 satelitë, që do të quhet “Albania-1” dhe “Albania-2”, të cilat priten t’i shtohen flotës së Satellogic në lançimin e rradhës të satelitëve me SpaceX.
“Me 2 satelitët e rinj të dedikuar, Satellogic do të nxisë përfshirjen e Shqipërisë në Ekonominë e re të Hapësirës. Këto satelitë do të ofrojnë mbikëqyrje në të gjithë territoret e shtetit nga të dhënat më të mira të gjeneruara nga hapësira,” tha Emiliano Kargieman, CEO dhe bashkë-themeluesi i Satellogic.
Kompania do të ndihmojë punonjësit me një trajnim të veçantë për të lehtësuar gjenerimin e analizave dhe të dhënave nga satelitët.
