Afër fundit të eventit Unpacked të Samsung gjatë ditës së djeshme, ku u prezantua seria e re e smartphone-ve Galaxy S24, kompania filloi të flasë për softuerin e saj të fokusuar në shëndetin e përdoruesve, Samsung Health.
Pasi reklamoi veçoritë e gjurmimit të gjumit të Galaxy Watch 6 dhe shërbimet e tjera si menaxhimi i ilaçeve së bashku me një përditësim të ardhshëm të softuerit të tij shëndetësor, Samsung na dha një paraqitje të shpejtë të një pajisjeje të ardhshme të fokusuar në shëndetin e përdoruesve, Galaxy Ring.
Duket si një unazë, me një mori sensorësh të dukshëm në brendësi të unazës. Dhe kjo është fjalë për fjalë gjithçka që dimë. Nuk ka asnjë informacion se kur do të dalë në treg, çfarë do të bëjë ose sa do të kushtojë.
Natyrisht, Samsung nuk është i pari që provon lançimin e një produkti të tillë për të monitoruar më mirë shëndetin, megjithëse ata ndoshta do të jenë kompania më e madhe deri më tani që e kanë ndërmarrë këtë hap.
Oura ka qenë në këtë treg për një kohë më të gjatë, dhe ka prezantuar unazën e saj të gjeneratës së tretë në vitin 2022. Ajo mund të gjurmojë gjumin tuaj, të masë rrahjet e zemrës gjatë stërvitjes dhe të gjurmojë aktivitetin tuaj të përditshëm për t’u siguruar që po arrini qëllime të caktuara. Shumica e wearables e bëjnë këtë lloj gjëje tashmë, thjesht avantazhi i të pasurit një unazë të tillë është forma shumë e vogël e produktit. Është e sigurt të supozohet se Galaxy Ring i Samsung do të mbulojë të njëjtat shërbime dhe do të funksionojë së bashku me metrikat e reja që vijnë në Samsung Health, si vitality score që sapo u prezantua nga kompania.
