Ne kemi dëgjuar më parë për smartphone-t me projektorë, si përshembull seria Galaxy Beam. Tashmë është zbuluar një aplikim për patentim nga Wearable ku tregohet se Samsung po punon për të krijuar një smartwatch me një projektor të integruar. Megjithatë, kjo nuk tregon se do të jeni në gjendje të shikoni filma nga projektori i kësaj ore.
Imazhet e treguara në këtë aplikim tregojnë se përdoruesit do të jenë në gjendje të projektojnë imazhe në dorën e tyre. I gjithë informacioni i shfaqur në ekran do të projektohet në dorë, duke bërë më lehtësisht të shikueshme orën apo rrahjet e zemrës së përdoruesve.
Samsung përmend dhe disa aftësi të tjera projektimi në dokumentet e saja që mund të lehtësojnë shikimin e informacioneve në raste të ndryshme, si përshembull kur po stërviteni dhe dëshironi të shikoni informacione shpejt me një shikim të vetëm, apo kur keni nevojë të shikoni më tepër informacione seç mund të shfaqen në ekranin e smartwatch-it tuaj.
Do të jetë tepër interesante të shikojmë nëse ky shërbim do të funksionojë dhe për videot. Mbajtja e dorës në këtë pozicion për një kohë të gjatë mund të jetë e lodhshme, mirëpo jo dhe aq e lodhshme kur bëhet fjalë për shikimin e një video-mesazhi ose kryerjen e një video-telefonate.
