Wi-Fi i aeroplanit ofron akses në internet ndërsa ngrihet disa kilometra mbi nivelin e detit dhe është një shërbim normalisht i nevojshëm, megjithatë pyetja mbetet: a është i sigurt?
Ekzistojnë dy metoda kryesore që aeroplanët përdorin për të ofruar Wi-Fi për pasagjerët. I pari përdor një rrjet satelitësh orbitalë të lidhur me stacionet tokësore. Një antenë në bord lidhet me satelitin më të afërt, duke lehtësuar aksesin në internet. Metodë alternative mbeten lidhjet ajër-tokë që mbështeten në antenat e montuara në avion, duke marrë sinjale nga kullat në tokë.
Ndërsa të dyja metodat mund të ofrojnë një shërbim jo shumë cilësor, lidhjet satelitore zakonisht ofrojnë akses më të qëndrueshëm përgjatë fluturimit.
Shqetësimet e sigurisë
Ngjashëm me rrjetet publike Wi-Fi, ai i aeroplanit mbart rreziqe të rëndësishme të sigurisë kibernetike. Hakerët mund të përgjojnë të dhënat e transmetuara ose të shfrytëzojnë dobësitë për të vjedhur informacione të ndjeshme.
Disa hakera krijojnë gjithashtu pika të rreme Wi-Fi me emra të rregullt, duke arritur të vjedhin të dhëna nga përdorues që nuk dyshojnë. Edhe ofruesit legjitimë të Wi-Fi gjatë fluturimit janë implikuar në shkelje të sigurisë, të tilla si lëshimi i certifikatave të rreme SSL.
Për më tepër, udhëtarët mund të jenë më të relaksuar dhe më pak vigjilentë në lidhje me sigurinë kibernetike gjatë pushimeve, duke rritur ndjeshmërinë ndaj sulmeve.
Praktikat e sigurta të përdorimit
Për të zbutur rreziqet, përdoruesit duhet të kufizojnë përdorimin e Wi-Fi gjatë fluturimit për aktivitete që nuk kërkojnë zbulimin e informacionit personal. Shmangni detyrat si aksesi në email, bankat ose blerjet në rrjete të pasigurta.
Shqyrtoni me kujdes detajet e lidhjes për t’u siguruar që po lidheni me rrjete legjitime dhe nuk jeni pre e pikave të rreme.
Merrni parasysh përdorimin e një shërbimi të paguar VPN (Rrjeti Privat Virtual) për të enkriptuar aktivitetin tuaj në internet dhe për të rritur sigurinë. VPN-ve falas mund t’i mungojnë veçori të forta sigurie dhe mund të rrezikojnë privatësinë e përdoruesit.
A ia vlen rreziku?
Pavarësisht nga komoditeti, Wi-Fi i aeroplanit shpesh ka një kosto dhe mbart rreziqe të sigurisë. Megjithëse është thelbësor në situata të caktuara, përdoruesit duhet të peshojnë domosdoshmërinë kundrejt rreziqeve të mundshme dhe të marrin masat e nevojshme paraprake për të mbrojtur informacionin personal.
