Pas prezantimit në Tiranë disa javë më parë, partneriteti strategjik mes Protik dhe General Assembly (GA) është gati të sjellë edukim teknologjik të klasit botëror në Shqipëri, duke ngritur standardet në nivel ndërkombëtar. Inteligjenca Artificiale tashmë është e ardhmja e pashmangshme e çdo industrie dhe thelbi i revolucionit të ardhshëm në tregun e punës. Sot, profesionistët që dinë të përdorin mjetet dhe logjikën e AI kanë një avantazh të jashtëzakonshëm, ndoshta edhe duke siguruar një të ardhme më të mirë e përshtatje më të shpejtë me tregun e ri të punës. Prandaj, nisja e këtyre kurseve është një mundësi fantastike që ripërcakton mënyrën se si ne i qasemi zgjidhjeve digjitale, ardhur fiks në kohën e duhur.
Dy kurset e para nisin këtë qershor
Rrugëtimi nis me dy programe intensive 40-orëshe që targetojnë drejtpërdrejt integrimin e Inteligjencës Artificiale në proceset e përditshme të punës.
AI-First Product Management, vjen si një udhërrëfyes praktik mbi mënyrën se si menaxherët e rinj të produktit mund të shfrytëzojnë AI për të zbërthyer nevojat e klientëve, për të ndërtuar strategji e për të marrë vendime më të zgjuara.
Vibe Coding thyen çdo barrierë teknike duke u mësuar profesionistëve se si të krijojnë uebsajte, automatizime dhe prototipe funksionale thjesht duke përdorur gjuhën natyrale dhe Inteligjencën Artificiale, pa pasur nevojë për kodim tradicional.
E gjithë kjo eksperiencë vjen me një lehtësi të madhe financiare: falë mbështetjes së AADF, e cila ofron bursen 70%, dhe studentët do të paguajnë vetëm 50,000 ALL
Nga kush do të mbahen këto kurse
Përtej kurrikulave të certifikuara, vlera e shtuar e këtyre trajnimeve qëndron tek emrat që do t’i udhëheqin ato.
Programi “AI-First Product Management” do të mbahet nga Sean Locke, një emër me peshë në dizajnin dhe strategjinë e produktit me mbi 25 vite përvojë në industri, i cili në GA ka trajnuar më shumë se 1,000 persona në mbarë botën.
Ndërkohë, në krye të kursit “Vibe Coding” do të jetë Megan Hawkins, instruktore kryesore në General Assembly dhe specialiste e kurrikulave të AI, me një sfond të fuqishëm në inxhinierinë softuerike dhe në ndërtimin e sistemeve autonome (agentic AI).
Kush duhet të jetë pjesë
Këto dy kurse nuk kërkojnë ndonjë sasi të paracaktuar kodi apo eksperiencë të thellë teknike, duke qenë të hapur për një gamë shumë të gjerë aplikantësh.
AI-First Product Management është ideal për menaxherët e rinj të projekteve, dizajnerët, analistët apo profesionistët e marketingut që duan të fitojnë besim në udhëheqjen e produkteve përmes mjetit më të fuqishëm të kohës.
Vibe Coding u drejtohet sipërmarrësve, marketerëve, liderëve të operacioneve dhe kujtdo që ka një ide të shkëlqyer digjitale, por nuk dëshiron të varet apo të presë gjatë nga ekipet e zhvilluesve për ta kthyer atë në një prototip të prekshëm.
Thirrja për aplikime është hapur zyrtarisht dhe të gjithë të interesuarit kanë afat për t’u regjistruar deri më datë 28 qershor. Duke qenë se numri i vendeve në klasa është i limituar dhe bursa e ofruar është një mundësi që rrallë përsëritet, nxitoni të siguroni tuajin. Për të parë hapat e aplikimit dhe për të marrë çdo detaj tjetër mbi programet, vizitoni faqen zyrtarie në https://protik.org/protik-x-ga.
