Në epokën e sotme dixhitale, ku shpejtësia dhe eksperienca e përdoruesit (UI/UX) përcaktojnë suksesin e një platforme, Baboon Deluvery, startup-i më i madh teknologjik Shqipëtar në vend në fushën e dërgesave dhe tekno,logjise ka prezantuar zyrtarisht përditësimin e tij më të madh në katër vitet e fundit: Baboon Delivery 4.0.
Me një rrjet gjigant që numëron mbi 450,000 klientë, më shumë se 1,000 biznese aktive në Shqipëri dhe Kosovë dhe një skuadër prej mbi 450 korrierësh që punojnë çdo ditë në terren, Baboon nuk po sjell thjesht një përditësim të radhës. Kompania po udhëheq një revolucion të vërtetë teknologjik në tregun shqiptar, duke ndryshuar rrënjësisht mënyrën se si konsumatorët ndërveprojnë me shërbimet e dërgesave.
Filozofia “Liquid Glass” dhe Dark Mode: Një UI/UX krejtësisht i ri
Pas katër vitesh punë intensive kërkimore, inxhinierike dhe pasioni për të ndryshuar rrënjësisht eksperiencën dixhitale në Shqipëri, Baboon Delivery 4.0 vjen si një revolucion i plotë i dizajnit dhe infrastrukturës. Ndërfaqja e re është e ndërtuar plotësisht mbi filozofinë estetike “Liquid Glass” të Apple, duke sjellë një pamje moderne, tejet të pastër dhe intuitive që e çon ndërveprimin e përdoruesit në një nivel tjetër fluiditeti.
Për më tepër, ky version i ri është më i shpejtë, më i bukur dhe i pasuruar me funksionalitete performante që përmirësojnë çdo hap të lundrimit. Duke iu përgjigjur kërkesave të komunitetit dhe përdoruesve, aplikacioni vjen tashmë edhe me opsionin Dark Mode, duke ofruar një eksperiencë vizuale sa më të rehatshme për sytë.
Funksionalitetet e reja që po ndryshojnë lojën
Baboon Delivery 4.0 nuk premton vetëm ndryshime vizuale, por vjen i pasuruar me opsione të reja që lehtësojnë përdorimin e përditshëm:
- Pagesat me Apple Pay & Wallet: Platforma ka integruar metodat më të sigurta dhe të shpejta të pagesave online përmes Apple Pay. Ky sistem i ri lejon ruajtjen dhe menaxhimin e kartave direkt në aplikacion. Ky integrim i rëndësishëm në sektorin fintech mbështetet nga partnerë si Raiffeisen Bank Albania, Unioni Financiar Tiranë (Unionnet – Western Union) dhe Union Bank Albania.
- Search by Maps & Live Tracking: Eksplorimi i zonave dhe restoranteve të preferuara tashmë bëhet në mënyrë vizuale përmes një harte interaktive. Çdo porosi e kryer mund të ndiqet hap pas hapi dhe në kohë reale falë sistemit të përmirësuar Live Tracking.
- Live Chat për Customer Service (Përgjigje në 15 sekonda): Mbështetja ndaj klientit merr një tjetër dimension me integrimin e një dritareje komunikimi direkt me agjentët e dedikuar për çdo asistencë apo paqartësi. Ky shërbim i ri e çon kohën mesatare të përgjigjes në vetëm 15 sekonda.
Abonimi Ekskluziv “Baboon+” dhe Partneriteti me Vodafone
Në këtë version të ri, prezantohet edhe programi ekskluziv i abonimit Baboon+. Me një kosto prej vetëm 290 Lekë / muaj ose 2,900 Lekë në vit, përdoruesit përfitojnë transport falas përgjithmonë dhe deri në 30% ulje në çmimin e shportës. Përmes këtij programi, përdoruesit mund të kursejnë deri në 800€ / vit.
Gjithashtu, falë një partneriteti të ri strategjik me gjigantin Vodafone, të gjithë përdoruesit e përbashkët do të përfitojnë një ulje ekskluzive prej 20% nga bizneset më të mira në platformë.
Hapi drejt së ardhmes: Një platformë AI-Native
Ajo që e bën këtë përditësim vërtet emocionues për ndjekësit e Geek Room është vizioni i Baboon për t’u kthyer në një platformë AI Native. Ky investim i madh në teknologjinë shqiptare nuk shërben vetëm për të përmirësuar eksperiencën e sotme, por shërben për të hedhur një hap mbi funksionalitetet e avancuara të së ardhmes. Skuadra ka bërë të ditur se është duke punuar mbi disa inovacione të jashtëzakonshme të bazuara në Inteligjencën Artificiale që do të lançohen së shpejti.
Skuadra pas projektit “Made in Albania”
Ky vizion i madh është kthyer në realitet falë punës së palodhshme të skuadrës fantastike shqiptare të zhvillimit, dizajnit dhe produktit. Skuadra e inxhinierëve dhe profesionistëve që punuan pa u lodhur për ta cuar falumirn Shqipëtar dhe Baboon Delivery në majat e inovacionit rajonal.
Nëse doni të provoni se si duket standardi më i ri i e-commerce dhe dërgesave në Shqipëri, përditësoni aplikacionin tuaj Baboon ose shkarkojeni atë për të eksperimentuar me eksperiencën e re 4.0!
