Qytetarët amerikanë mundet që tashmë të porosisin këtë pistoletë smart e cila kërkon identifikimin biometrik për t’u përdorur. Kjo pistoletë është krijuar nga startup-i Biofire, ka një çmim prej $1,500 dhe pritet të dorëzohet drejt klientëve në fillim të vitit 2024.
Pistoleta smart ofron dy mënyra identifikimi biometrik, nëpërmjet skanimit të shenjës së gishtit apo nëpërmjet identifikimit të fytyrës falë skanimit 3D me rreze infra të kuqe. Identifikimi biometrik është i nevojshm për të përdorur këtë armë, pasi në të kundërt ju nuk do të mund të qëlloni dot me të, duke ulur kështu rastet e aksidenteve apo keqpërdorimit të armëve të vjedhura.
Vetëm përgjatë 4 muajve të parë të vitit 2023 janë vrarë 13,900 njerëz në SHBA nga armët. Prandaj Biofire prodhoi këtë armë smart e cila mund të parandalojë pothuajse 2/3 e vetëvrasjeve në SHBA, si dhe të shpëtojë shumë jetë të tjera nga qëllimet aksidentale.
The second you put down the Smart Gun, it instantly relocks. Live from the Safety and Testing Facility at #Biofire HQ, we dive into the #safety features of the #BiofireSmartGun.
Learn more at https://t.co/t9vuFNWYVw#9mm #todayIlearned #technology pic.twitter.com/paikPIIav7
— Biofire (@BiofireUSA) April 21, 2023
“Qëllimi ynë është jo vetëm që të marrim porositë e para nga klientët, por edhe që të prodhojmë sa më shumë nga këto armë për të plotësuar kërkesën e klientëve tanë.” tha CEO i Biofire, Kai Kloepfer, vetëm 26 vjeç.
Me sa duket Kloepfer dëshiron që të rrisë sigurinë e përdorimit të armëve, për shkak se pranë zonës ku ai banonte në vitin 2012, u vranë 12 persona dhe shumë të tjerë u plagosën pasi një person i armatosur hapi zjarr në një kinema gjatë shfaqjes së filmit Batman: The Dark Knight Rises.
