Kompania që krijoi ChatGPT, OpenAI, ka treguar shkallën e gjerë të veprimit të inteligjencës artificiale që pritet të ndikojë në sektorë të ndryshëm të punës.
Duke përdorur modelin më të ri të gjuhës GPT-4, së bashku me ekspertizën humane, studiuesit treguan se 80% e punonjësve do të shikojnë që 10% e punës do të ndikohet nga inteligjenca artificiale. Besohet gjithashtu se 19% e punonjësve do të mund të përdorin AI për të kryer rreth 50% të punëve të tyre.
Studimi i kryer nga studiuesit në OpenResearch dhe University of Pennsylvania, ekzaminon sasinë e detyrave të vogla në punë që mund të automatizohen, duke përdorur sistemet e fuqizuara nga GPT, për të reduktuar me 50% kohën që i duhet humanëve në kryerjen e të njejtës punë.
Cilat janë punët më të ekspozuara?
Sigurisht punët nuk do të mund të kryhen 100% nga inteligjenca artificiale, por kjo teknologji do të “ulë ndjeshëm kohën e shpenzuar” në kryerjen e një detyre të caktuar. Njerëzit arritën të krijonin një listë (për SHBA) me 15 punë që mund të jenë shumë të ekspozuara, ndërkohë që AI gjeneroi një listë me 86 vende pune të ekspozuara.
Vendet më të ekspozuara (100%) të punës janë:
- Matematikanët
- Përgatitësit e taksave
- Analistët financiarë
- Shkrimtarët dhe autorët
- Dizenjuesit e ndërfaqjeve dixhitale dhe web
Vende të tjera pune me përqindje shumë të lartë ekspozimi ishin dhe:
- Studiuesit e sondazheve (84.4%)
- Interpretuesit dhe përkthyesit (82.5%)
- Specialistët e marrëdhënieve me publikun (82.4%)
- Shkencëtarët e kafshëve
