OpenAI synon të integrojë përfundimisht shërbimin e tij të gjenerimit të videove AI, Sora, direkt në aplikacionin e mirënjohur ChatGPT, siç u mësua nga drejtuesit e kompanisë gjatë një sesioni të së premtes në Discord.
Sot, Sora është i disponueshëm vetëm përmes një web app të dedikuar që u lançua në dhjetor, i cili u lejon përdoruesve të aksesojnë modelin e videos së AI me të njëjtin emër për të gjeneruar klipe kinematografike deri në 20 sekonda. Sidoqoftë, drejtuesi i produkteve të OpenAI për Sora, Rohan Sahai, tha se kompania ka plane të integrojë Sora në më shumë vende dhe të zgjerojë atë aftësitë krijuese të shërbimit.
OpenAI fillimisht e reklamoi Sora tek krijuesit dhe studiot e prodhimit të videove para prezantimit të saj në dhjetor. Tani, kompania po bën një përpjekje për të zgjeruar bazën e përdoruesve të shërbimit AI.
Sahai tha se OpenAI po punon në mënyrë aktive në një mënyrë për ta bërë Sora të aksesueshme brenda ChatGPT, duke i bashkuar të dy produktet, megjithëse ai nuk ofroi një afat kohor. Megjithatë versioni i Sora që përfundimisht do të vijë në ChatGPT mund të aftësi më të limituara se web app i dedikuar i Sora, tregoi Sahai.
Integrimi i Sora në ChatGPT gjithashtu mund të nxisë përdoruesit të paguajnë për një nivel premium të abonimit të ChatGPT, të cilat mund të ofrojnë kufij më të lartë të gjenerimit të videos.
OpenAI është duke punuar në një gjenerues imazhi të AI të fuqizuar nga Sora, tha Sahai, duke konfirmuar thashethemet për një projekt të tillë. Sahai shtoi se kompania po punon gjithashtu për një version të ri të Sora Turbo, modeli që aktualisht fuqizon aplikacionin në internet Sora.
