NASA ka rikthyer kontaktin e plotë me anijen hapësinore të saj Voyager 2 disa muaj më herët se sa pritej, tha agjencia hapësinore. Gjithçka nisi me dërgimin e një komandë e gabuar në anijen kozmike, e cila u dërgua për të eksploruar hapësirën në 1977, duke ndryshuar pozicionin e antenës me 2 gradë dhe duke ndërprerë kështu kontaktin me bazën në Tokë. Një sinjal nga Voyager 2 u kap të martën, por falë një “bërtitjeje ndëryjore” – një udhëzim i fuqishëm – antena e tij tani është kthyer përballë Tokës. NASA fillimisht besonte se kontakti me anijen kozmike që do të rivendosej në tetor.
U deshën 37 orë që kontrollorët e misionit të kuptonin nëse komanda ndëryjore kishte funksionuar pasi Voyager 2 është miliarda km larg nga Toka. Stafi përdori “transmetuesin me fuqinë më të lartë” për të dërguar një mesazh në anijen kozmike dhe caktoi kohën që të dërgohej gjatë “kushteve më të mira“, kështu që antena ra në kontakt me komandën, tha menaxherja e projektit Suzanne Dodd.
Pasi komunikimet u humbën, sonda nuk ishte në gjendje të merrte komanda ose të dërgonte të dhëna në Rrjetin Hapësinor të Thellë të NASA-s – një grup antenash gjigante radioje në të gjithë botën. Por agjencia hapësinore konfirmoi më 4 gusht se të dhënat ishin marrë nga anija kozmike dhe ajo po funksiononte normalisht. NASA pret që anija kozmike e ngarkuar me instrumente shkencore të mbetet në trajektoren e saj të planifikuar nëpër univers.
Të hënën, agjencia hapësinore tha se antena e madhe në kryeqytetin e Australisë, Canberra, po përpiqej të zbulonte çdo sinjal të humbur nga Voyager 2. Kjo ishte kur u dëgjua sinjali i parë i dobët i “rrahjeve të zemrës”. Antena kishte bombarduar zonën e Voyager 2 me komandën e duhur, me shpresën për të krijuar disi kontakt, tha Laboratori Jet Propulsion i NASA-s, i cili menaxhon misionet Voyager.
Sonda është programuar të rivendosë pozicionin e saj disa herë çdo vit për ta mbajtur antenën e saj të drejtuar nga Toka. Rivendosja e radhës pritet më 15 tetor, në të cilën NASA kishte mbështetur shpresat e saj nëse të gjitha përpjekjet e tjera do të kishin dështuar. Voyager 2 dhe binjaku i tij Voyager 1 janë anijet kozmike të vetme që operojnë jashtë heliosferës, flluskës mbrojtëse të grimcave dhe fushave magnetike të krijuara nga Dielli. Ata arritën hapësirën ndëryjore në 2018 dhe 2012 respektivisht. Anijet kozmike u krijuan për të përfituar nga një rreshtim i rrallë i planetëve të jashtëm, i cili ndodh çdo 176 vjet, për të eksploruar Jupiterin dhe Saturnin.
Voyager 2 është e vetmja anije kozmike ndonjëherë që ka fluturuar nga Neptuni dhe Urani, ndërsa Voyager 1 është tani gati 24 miliardë km larg nga Toka, duke e bërë atë anijen kozmike më të largët të njerëzimit. Pasi fuqia e të dy anijeve kozmike të mbarojë – që pritet diku pas vitit 2025 – ato do të vazhdojnë të enden nëpër hapësirë.
