Një nga stendat e më të veçanta për t’u vizituar çdo vit në MWC në Barcelonë është Samsung Display, ku ne mund të shohim zhvillimet më të fundit në teknologjinë e ekranit të vendosura në pajisjet më interesante dhe më të çuditshme.
Këtë vit, kompania nuk zhgënjeu, me disa koncepte që nuk i kemi parë kurrë më parë. Kryesorja midis tyre ishte një telefon konceptual që paloset dy herë — një herë nga lart dhe një herë nga poshtë, megjithatë dhe konsola e palosshme ishte gjithashtu shumë interesante.
Pajisja me 2 palosje duket në pamje të parë si një Galaxy Z Flip, por ndryshon nga mënyra e palosjes me të. Ju mund të mendoni: Për çfarë arsye duhet që ta palos telefonin në këtë mënyrë? Qëllimi i këtyre koncepteve që prezantohen gjatë Mobile World Congress nuk është mënyra e përdorimit, por atë që është e mundur të krijohet me avancimet më të fundit të teknologjisë.
Një tjetër rast i çuditshëm ishte ai i Flexible Briefcase, një valixhe e vogël metalike e cila shpaloset për të shfaqur një ekran OLED 18.1 inch. Një produkt i tillë mund të përdoret nga një shitës në të ardhmen për të bindur blerësit potencialë.
Nga ana tjetër, krijimi i një konsole të palosshme është shumë i kuptueshëm, pasi e bën atë lehtësisht të transportueshëm. A mund ta imagjinoni në të ardhmen një Nintendo Switch të palosshëm, sa e lehtë do të ishte ta fusje në xhep një pajisje të tillë?
Është e rëndësishme të theksohet se Samsung Display nuk është pjesë e kompanisë që njihet për prodhimin e smartphone-ve, televizorëve apo pajisjeve elektroshtëpiake. Në vend të kësaj, ajo zhvillon teknologjinë e ekranit që mund të blihet nga shumë prodhues të telefonave dhe kompani të tjera teknologjike.
