Gjigandi kinez i teknologjisë Xiaomi ka shfaqur shumë produkte gjatë Mobile World Congress (MWC) 2024, ku Geek Room dhe Neptun janë të pranishëm për të sjellë drejt ndjekësve detajet më të reja rreth inovacioneve teknologjike.
Disa prej tyre ishin prezantuar tashmë në Kinë, kështu që ky prezantim shërben si një lançim global për produkte si telefonat inteligjentë të serisë Xiaomi 14. Megjithatë, kishte dhe shumë produkte të tjera, rreth së cilave do të flasim më poshtë.
SU7 EV
Xiaomi sapo ka prezantuar makinën e saj të parë elektrike, SU7, e cila debutoi për herë të parë në Evropë gjatë ditës së diel në MWC. Xiaomi SU7 do të vijë në dy versione: SU7 dhe SU7 Max. Për sa i përket performancës, kjo makinë pritet të jetë një konkurrent i drejtpërdrejtë i Tesla Model S apo Porsche Taycan, por me një çmim më të arsyeshëm. Sistemi operativ që do të fuqizojë këtë makinë do të jetë HyperOS me procesor Qualcomm Snapdragon 8295.
Për të mësuar më tepër rreth kësaj makine klikoni këtu.
Xiaomi Watch S3
Xiaomi Watch S3 ka korniza dhe rripa të ndryshueshëm, kështu që ju mund të personalizoni pamjen për t’iu përshtatur shijeve tuaja. Gjithashtu ka një ekran AMOLED 1.43”. Ora mund të gjurmojë deri në 150 ushtrime të ndryshme– duke përfshirë të njëjtin gjurmim të sporteve dimërore të pranishëm në Watch 2, si dhe të njëjtat shërbime të monitorimit të shëndetit. Bateria mund të zgjasë edhe deri në 15 ditë me një karikim të vetëm.
Xiaomi Pad S6 Pro
Ky tablet është prurja më e re e kompanisë e cila është ideale për ndjekjen e serialeve tuaja të preferuara. Ekrani 12.4” vjen me një raport pamje 3:2, rezolucion 3K dhe refresh rate 144Hz.
Megjithatë për sa kohë Pad S6 Pro është pajisur me procesorin Snapdragon 8 Gen 2, 8 ose 12GB RAM si dhe 256GB internal storage, ju do të keni mundësinë të kryeni detyrat tuaja më kërkuese me shumë lehtësi. Për ta përmirësuar sa më tepër eksperiencën tuaj, ju mund të blini dhe Xiaomi Focus Pen apo Touchpad Keyboard.
Pad S6 Pro vjen me një bateri me kapacitet 10,000mAh që mund të karikohet shpejt me karikuesen 120W.
Xiaomi 14 Ultra
Më në fund seria e smartphone-ve flagship Xiaomi 14 u kompletua me versionin Ultra, që u prezantua gjatë MWC.
Ky smartphone fuqizohet nga i njëjti procesor si smartphone-t e tjerë të serisë 14 (Snapdragon 8 Gen 3), por shoqërohet më 16GB RAM. Përveç performancës, ky smartphone është fokusuar gjithashtu dhe tek eksperienca e fotografimit, me një “konfigurim profesional me 4 kamera”, që ofrojnë focal length nga 12-120mm.
Që të 4-ta kamerat e pasme janë 50MP (sensori kryesor me madhësi 1”) dhe janë zhvilluar në bashkëpunim me Leica. Për të mbështetur përmirësimet në hardware Xiaomi ka punuar shumë dhe nga ana e software-it me shërbime të reja, duke përfshirë këtu dhe Master Portrait Mode.
Xiaomi 14 Ultra vjen me një ekran 6.73” AMOLED me refresh rate 120Hz dhe bateri me kapacitet 5,300mAh që karikohet shpejt me karikuesen 90W ose dhe wireless HyperCharge 80W.
Nëse ju dëshironi ta shndërroni telefonin tuaj në një kamera të vërtetë, mund të pajiseni me Photography Kit, e cila është një kasë me buton fizik për shkrepjen e fotografive, zmadhimit të pamjes apo regjistrimit të videove. Gjithashtu është e pajisur me një bateri 1,500mAh për të mundësuar regjistrimin për një kohë më të gjatë.
