Siç pritej, Xiaomi zbuloi ditën e djeshme serinë 14 të smartphone-ve flagship me Snapdragon 8 Gen 3 të sapolançuar, kamerat kryesore të përmirësuara Leica, një dizajn të ri dhe HyperOS të ri të Xiaomi.
Xiaomi 14 Pro
Xiaomi 14 Pro largohet nga skajet e harkuara të paraardhësit të tij dhe tashmë është plotësisht e sheshtë. Ishulli i kamerës ndodhet në një kornizë metalike në formë katrore që ngrihet mbi sipërfaqen e pasme. Xiaomi 14 Pro është telefoni më i madh, që vjen me një panel 6.73 inç 1440×3200 px 12-bit LTPO OLED me shpejtësi rifreskimi 120 Hz, i cili është kryesisht i njëjti si në 13 Pro. Megjithatë, ky panel ka ndriçim maksimal deri në 3000 nits dhe mbrohet nga Xiaomi Longjing Glass. Xiaomi gjithashtu përmend se kornizat e ekranit janë më të holla. Kapaciteti i baterisë do të jetë 4,880mAh dhe mund të karikohet shumë shpejt me karikuesen 120W.
Xiaomi 14 Pro do të vijë në ngjyrat: Black, White, Rock Green, dhe një Titanium Special Edition ekskluziv. Gjithashtu do të vijë në 3 konfigurime të ndryshme, me 12/256GB, 16/512GB dhe 16GB/1TB ndërkohë që çmimet respektive në Kinë do të jenë: €650, €710 dhe €780.
Për sa i përket kamerave, Xiaomi përdor një sensor të ri të quajtur “Light Hunter 900” 50MP, me aftësinë për të ndryshuar sasinë e dritës që futet në këtë lente, për të kapur fotografi deri në 80% më të ndriçuara. Gjendet gjithashtu një kamera telephoto që shkrep fotografi normale 40MP, ndërkohë që ato portret do të jenë 50MP, pa harruar këtu dhe kameran 50MP ultrawide që ka dhe aftësi makro.
Xiaomi 14
Xiaomi 14 vjen me një dizajn të njejtë si versioni Pro, ndërkohë që përmasat janë identike me versionin paraardhës. Ju do të keni mundësinë ta blini këtë pajisje në dy versione: me xham në pjesën e pasme (peshon 193g) apo me lëkurë (188g).
Ekrani ka madhësi 6.36 inç, refresh rate 120Hz, LTPO OLED dhe ndriçim maksimal 3,000 nits. Kamerat në 14 më të vogël mund të duken identike me 14 Pro, por ka dallime delikate. Kamera kryesore 50 MP ka të njëjtin sensor “Light Hunter” 1/1.31″, megjithëse lentja sipër është një njësi me aperture fikse 23 mm f/1.6. Telefoto 75 mm është identike, megjithëse në kameran 50MP ultrawide me sa duket mungon AF dhe nga ana tjetër aftësitë makro.
Xiaomi 14 fuqizohet nga i njëjti procesor Snapdragon 8 Gen 3 me konfigurime 8/256GB (€520), 12/256GB (€560), 16/512GB (€600) dhe 16GB/1TB (€700). Bateria 4610 mAh karikohet shpejt me karikuesen 90W dhe 50W wireless.
