Microsoft ka vendosur të risjellë më në fund shërbimin e tij “Recall” për Windows 11. Opsioni i softuerit, të cilin kompania e prezantoi për herë të parë në maj, ruan screenshots të pothuajse çdo gjëje që bëni në kompjuterin tuaj duke ju lejuar të kërkoni dhe të ndërveproni me to më vonë.
Për shembull, nëse po rezervonit një dhomë hoteli, por keni harruar faqen e internetit që po përdornit ose duhet të gjeni një dokument të vjetër dhe nuk mund të mbani mend si e keni emërtuar, mund të përdorni Recall për të përshkruar faqen ose dokumentin që ju duhet dhe ai do t’i gjejë ato për ju duke kërkuar nëpër ato pamje të ekranit.
Është një koncept i dobishëm, por kërkuesit e sigurisë ngritën shpejt shqetësimet në lidhje me potencialin që hakerat ose programet malware të kenë akses në ato pamje të ekranit, të vjedhin të dhënat e përdoruesve dhe të shikojnë disa nga informacionet e tyre më të ndjeshme.
:no_upscale():format(webp)/cdn.vox-cdn.com/uploads/chorus_asset/file/25475603/recall.gif)
Si përgjigje, Microsoft e vonoi lançimin i këtij opsioni dhe në vend të kësaj zgjodhi të prezantonte kompjuterët e rinj Copilot+ pa Recall. Tani, pas ripërpunimit të softuerit, Microsoft thotë se është gati për ta nxjerrë në treg dhe se të dhënat e përdoruesve do të jenë shumë të sigurta falë riidentifikimit biometrik në raste të dyshimta apo dhe software-i Purview, që bën të mundur mosregjistrimin e passwords, numrat e ID apo të kartës së kreditit në shërbimin Recall.
Microsoft ende nuk ka zbuluar datën zyrtare të lançimit. “Unë mendoj se kjo është me të vërtetë një deklaratë nga Microsoft që thotë se ne do të vendosim fuqinë tonë të plotë për ta bërë AI të sigurt,” tha David Weston, nënkryetar i Microsoft i Enterprise dhe OS Security.
Një nga ndryshimet më të mëdha në Recall është se tani është mundësia për të zgjedhur, pasi më herët shërbimi ishte aktivizuar automatikisht. Tani ju mundeni dhe të çinstaloni këtë shërbim.
