MediaTek ka prezantuar proçesorin e ri për smartphone Dimensity 9300 duke përdorur teknologjinë 4nm+ të gjeneratës së tretë të TSMC. Kompania pretendon se performanca dhe konsumi i energjisë është përmirësuar ndjeshëm në krahasim me Dimensity 9200 të vitit të kaluar, madje performanca e 9300 mund të jetë në të njëjtin nivel me Snapdragon 8 Gen 3 të Qualcomm në disa standarde kryesore.
Dimensity 9300 është procesori i 3-të i prezantuar përgjatë 2 muajve të fundit, duke treguar një konkurrencë të shëndetshme në hapësirën e proçesorëve flagship. Dimensity 9300 ka atë që MediaTek e quan një “all-big core architecture” të orientuar drejt performancës, me katër cores super të mëdha dhe katër cores të mëdha, tetë gjithsej. Kjo krahasohet me Snapdragon 8 Gen 3, i cili vjen me një core të vetme ultra të madhe Cortex-X4, së bashku me 5 cores të mëdha Cortex-A720 dhe 2 cores më të vogla Cortex-A520 për të balancuar kursimet e energjisë dhe performancën.
Këto përmirësime bëjnë që Dimensity 9300 të ofrojë 15% më shumë performancë se 9200 duke përdorur të njejtën energji, ose të përdorë 33% më pak energji për të njëjtën performancë. Mediatek pretendon gjithashtu një rezultat në AnTuTu prej 2,130,000+, i cili përafërsisht përputhet me rezultatin AnTuTu të Snapdragon 8 Gen 3.
MediaTek tregon gjithashtu për një rritje prej 46% në performancën e GPU-së në krahasim me procesorin e mëparshëm me të njëjtat nivele të fuqisë. Ai gjithashtu ofron performancë shumë të përmirësuar të deep-learning në krahasim me Dimensity 9200 falë procesorit të ri APU 790 AI – me shpejtësi proçesimi deri në 8 herë më të shpejtë dhe gjenerimin e imazhit me Stable Diffusion në një sekondë.
Dimensity 9300 ka shërbime që përmirësojnë fotografitë dhe videot, mbështetje për HDR gjithmonë aktive në 4K 60p, përpunim AI në foto dhe video RAW dhe mbështetje për formatin e ri Ultra HDR në Android 14.
