Apple po planifikon të prezantojë modelet e reja Mac mini plotësisht të ridizenjuar me çipat M4 dhe M4 Pro më vonë këtë vit, siç raporton Mark Gurman i Bloomberg.
Mac mini i ri do të jetë ndryshimi i parë i madh në dizajn për kompjuterin që nga viti 2010, duke e bërë atë kompjuterin desktop më të vogël ndonjëherë nga Apple. Mac mini i ri me sa duket do të ketë madhësinë e një Apple TV, por mund të jetë pak më i lartë se modeli aktual, i cili është 1.4 inç. Në pjesën e jashtme kasa do të vijojë të jetë prej alumini.
Individët që po punojnë për pajisjen e re me sa duket thonë se ajo është “në thelb një iPad Pro në një kuti të vogël“. Apple thuhet se ka testuar modele të Mac mini me të paktën tre porta USB-C në anën e pasme, si dhe një zonë për kabllon e energjisë dhe një portë HDMI.
Do të vazhdojë të ketë dy versione të Mac mini: një me çipin standard M4, të ngjashëm me iPad Pro, dhe një me një çip M4 Pro. Modeli bazë është do të transportohet nga furnitorët këtë muaj përpara daljes në treg më vonë gjatë vitit, ndërsa modeli i nivelit të lartë nuk do të jetë gati deri në tetor.
Ekziston mundësia që për herë të parë Apple të rifreskojë të gjithë linjën e Macs, duke filluar nga MacBook Air, MacBook Pro, iMac, Mac Studi dhe Mac Pro me gjeneratën e re të procesorëve M4.
