Për të marrë vendimet më të sakta në episode të ndryshme gjatë ndeshjeve të EURO 2024 dhe jo vetëm, UEFA ka vendosur të përdorë teknologjinë si një mjet ndihmës për të gjithë arbitrit që marrin pjesë në këtë kompeticion.
Më poshtë do të rendisim disa prej sistemeve të implementuara që do ta bëjnë arbitrimin e ndeshjeve më të lehtë.
Video Assistant Referee (VAR)
VAR u prezantua në Ligën e Kampionëve të UEFA-s në vitin 2019 pas testimeve të gjera dhe trajnimit të gjyqtarëve. Që atëherë, përdorimi i tij është zgjeruar në gara të tjera, duke përfshirë të gjitha garat e ekipeve kombëtare të meshkujve dhe klubeve, Ligën e Kampionëve të UEFA-s për Femra dhe EURO-n e UEFA-s për femra.
Teknolgjia gjysëm e automatizuar e pozicioneve jashtë loje (SAOT)
SAOT u mundëson VAR të përcaktojnë pozicionet jashtë loje me shpejtësi dhe më saktësi, falë dhjetë kamerave të specializuara të instaluara në stadium, të cilat gjurmojnë 29 pika të ndryshme të trupit për lojtar. I prezantuar në Ligën e Kampionëve të UEFA-s në vitin 2022, sistemi integrohet me topin e EURO për të identifikuar menjëherë pikën e kontaktit të topit për situatat jashtë loje të analizuara.
Goal-line technology (GLT)
UEFA ka instaluar sistemin goal-line technology (GLT) në të gjitha stadiumet në përdorim për turneun. Sistemi, që përdoret gjerësisht në garat elitare të UEFA-s për klube dhe kombëtare që nga viti 2016, vendos shtatë kamera në portë, duke përdorur softuerin e kontrollit për të gjurmuar topin brenda zonës së portës. Duke përdorur teknikat dhe softuerin e përpunimit të shikimit, GLT tregon nëse një gol është shënuar brenda një sekonde të veprimit falë një vibrimi dhe sinjali vizual në orën e çdo zyrtari të ndeshjes.
Connected ball technology
Për herë të parë në Kampionatin Evropian të Futbollit UEFA, topi zyrtar i ndeshjes do të vijë me teknologjinë e topit të Adidas, i cili dërgon të dhëna të sakta të topit tek arbitrit e ndeshjeve në kohë reale. Duke kombinuar të dhënat e pozicionit të lojtarëve me AI, inovacioni kontribuon në teknologjinë gjysmë të automatizuar të pozicioneve jashtë loje të UEFA-s (SAOT) dhe do të jetë çelësi për mbështetjen e vendimeve më të shpejta në ndeshje.
Teknologjia e topit të lidhur mund të ndihmojë gjithashtu zyrtarët e VAR-it të identifikojnë çdo prekje individuale të topit, duke reduktuar kohën e shpenzuar për zgjidhjen e incidenteve me dorë dhe penallti.
Qendra e teknologjisë së futbollit
Qendra FTECH është epiqendra e të gjitha operacioneve teknologjike për EURO 2024. Në të mblidhen të gjitha të dhënat nga teknologjitë e ndryshme nëpërmjet kamerave optike (goal-line technology dhe sistemi elektronik i përcjelljes së performancës) ose sensorëve (topi). Të gjitha të dhënat kontrollohen drejtpërdrejt me cilësi dhe shpërndahen në aplikacione të ndryshme (SAOT, portali i analizës së performancës, etj.).
