Marka Redmi e nis vitin 2024 me prezantimin e pesë modeleve të reja të smartphone-ve nën serinë e re Redmi Note 13, kufjet wireless Buds 5 dhe Buds 5 Pro si dhe orën inteligjente Watch 4.
Të ftuar nga Xiaomi, Geek Room mori pjesë në eventin “Every SHOT ICONIC” mbajtur në Bukuresht, Rumani.
Të pesë modelet ndajnë një madhësi ekrani 6.7 inç, ekran AMOLED 120 Hz dhe madhësi të baterisë 5,000 mAh, duke ofruar një cilësi të mirë për çmimin me të cilin prezantohen në treg.
Seria Redmi Note 13
Fillimisht, Redmi ofron dy modele shumë të përballueshme Redmi Note 13 dhe versioni 5G, të pajisura me një kamerë kryesore 108MP, dhe më pas ofrohen modelet Pro, Pro 5G si dhe Pro+ 5G më të avancuara të cilat përdorin një kamerë kryesore 200MP si dhe janë të pajisur me procesorë dhe karikim më të shpejtë.
| Modeli | Procesori | Shpejtësia e karikimit |
| Redmi Note 13 | Snapdragon 685 | 33W / pa mundësi karikimi wireless |
| Redmi Note 13 5G | MediaTek 6080 | 33W / pa mundësi karikimi wireless |
| Redmi Note 13 Pro | MediaTek Helio G99-Ultra | 67W / pa mundësi karikimi wireless |
| Redmi Note 13 Pro 5G | Snapdragon 7s Gen 2 | 67W / pa mundësi karikimi wireless |
| Redmi Note 13 Pro+ 5G | MediaTek Dimensity 7200-Ultra | 120W / pa mundësi karikimi wireless |
Dhe pse këto smartphone kanë një ekran me të njejtën madhësi 6.7”, ne mund t’i diferencojmë ato nga dizajni i kamerave në pjesën e pasme, ndërkohë që Note 13 Pro+ 5G ka një ekran të harkuar dhe është i vetmi nga 5 pajisjet që nuk ka një portë 3.5mm për kufjet. Që të gjithë smartphone-t kanë të përfshirë një kamera kryesore, një ultrawide dhenjë makro.
Kamera kryesore e Note 13 Pro vjen me një sensor që ka rezolucion 200MP, njësoj si Note 13 Pro 5G dhe 13 Pro+ 5G, që arrin të zmadhojë pa humbje të cilësisë së imazhit deri në 4x, por nuk bën të mundur regjistrimin e videove në formatin 4K.
Për sa i përket performancës, mund të vihet re një rritje e konsiderueshme e saj në dy versionet Pro 5G dhe Pro+ 5G, sipas rezultateve të gjeneruara në Geekbench. Një tjetër aftësi shumë e mirë e përfshirë në Note 13 Pro+ 5G është karikimi 120W. Kjo gjë bën të mundur që smartphone-i të karikohet plotësisht për vetëm 19 minuta.
Redmi Buds 5 dhe Buds 5 Pro
Të dy kufjet wireless vijnë me dizajn rezistent ndaj ujit dhe ANC (active noise cancellation). Redmi Buds 5 shfrytëzon mikrofonët e dyfishtë dhe teknologjinë AI për të arritur anulimin e zhurmave deri në 46db, gjithashtu premtojnë luajtje të muzikës për 8 orë me një karikim të vetëm (së bashku me kasën deri në 40 orë). Nga ana tjetër, Redmi Buds 5 Pro përmban një bass driver 11 mmdhe mund të anulojë zhurmat deri në 52db, ndërkohë që premtojnë luajtjen e muzikës për 10 orë me një karikim (së bashku me kasën deri në 38 orë).
Redmi Buds 5 vijnë në opsionet Black, White dhe Sky Blue. Nga ana tjetër, Redmi Buds 5 Pro TWS mund të blihen në Midnight Black, Moonlight White dhe Aurora Purple.
Redmi Watch 4
Redmi Watch 4vjen me njëekran 1.97” AMOLED që ka rezolucion 390x450p dhe ndriçim deri në 600 nits. Pajisja arrin të zbulojë automatikisht nisjen e disa aktiviteteve sportive, ndërkohë që manualisht mund të aktivizoni deri në 150+ modalitetet të tilla. Nëse ora inteligjente përdoret normalisht, bateria arrin të zgjasë deri në 20 ditë, pasi ka një kapacitet prej 470mAh.
Watch 4 është e pajisur me një sensor për matjen e rrahjeve të zemrës, të cilat mund të maten në 24 orë të ditës, si dhe sensor për matjen e nivelit të oksigjenit në gjak.
