Eventi Worldwide Developer Conference i këtij viti nuk i zgjënjeu aspak fansat e Apple, të cilët u njohën me zhvillimet më të reja të kompanisë, duke përfshirë këtu dhe headset-in e ri të realitetit virtual.
Më poshtë do të flasim për 10 prezantimet kryesore të bëra gjatë ditës së djeshme.
Vision Pro mixed reality headset
Apple ka prezantuar më në fund headset-in mjaft të diskutuar Vision Pro. Kjo pajisje lejon përdoruesit të përjetojnë një kombinim të botës dixhitale dhe asaj reale, duke shfaqur ndërfaqjen me aplikacione mbi botën reale të përdoruesit, ndërkohë që personat e tjerë mund të shikojnë sytë e përdoruesit përtej pajisjes falë një shërbimi të quajtur EyeSight.
Për informacione më të detajuara rreth kësaj pajisje klikoni këtu.
VisionOS ësthë sistemi më i ri operativ i Apple
Sigurisht që me prezantimin e headset-it të ri AR/VR Vision Pro, Apple ka krijuar dhe një sistem të ri operativ visionOS për të kontrolluar pajisjen. Përmes visionOS përdoruesit kanë mundësinë të mbivendosin aplikacionet mbi botën reale, si dhe të përdorin duart dhe zërin për të naviguar përmes këtij sistemi.
Madje ju mund të përdorni Vision Pro si një ekran ekstra për Mac-un tuaj, të luani lojra në Apple Arcade, të shikoni filma si dhe të regjistroni video.
Një MacBook Air i ri 15”
Së bashku me Vision Pro headset, Apple ka prezantuar dhe një MacBook Air të ri me një ekran 15.3”. Apple po e reklamon këtë laptop si “laptopi më i hollë 15 inç” dhe që peshon vetëm 1.3 kg. MacBook Air 15” do të ofrojë 18 orë jetëgjatësi baterie, ekran me ndriçim 15 nits dhe kamera 1080p. Çmimi do të jetë $1,299.
Mac Studio dhe Mac Pro update-ohen me proçesorin e ri të fuqishëm M2 Ultra
Mac Studio së bashku me Mac Pro do të pajisen me proçesorët më të ri M2 Ultra, të cilat kanë deri në 24 core CPU dhe deri në 76 core GPU. Çmimi për Mac Studio do të nisë nga $1,999 dhe për Mac Pro nga $6,999.
“Ditari” i ri i fokusuar në shëndetin mendor të përdoruesve
Apple ka lançuar një aplikacion të ri për iOS të quajtur “Journal”. Ky aplikacion do t’ju inkurajojë që të shprehni mendimet tuaja në lidhje me aktivitetet e fundit apo udhëtimet që keni bërë. Apple tregon se aplikacioni është siguruar me end-to-end encryption dhe se mendimet tuaja ruhen vetëm në smartphone-in tuaj.
iOS 17 do të ofrojë një StandBy Mode dhe shërbime të tjera
Së bashku me aplikacionin Journal, Apple prezantoi dhe disa shërbime të reja që do të vijnë në iOS 17, si përshembull kjo StandBy Mode. Për të mësuar më tepër rreth iOS 17, klikoni këtu.
Interactive Widgets do të vijnë në iPadOS 17
Në iPadOS 17, Apple do të ofrojë Interactive widgets dhe në iPads. Gjithashtu kompania ka bërë disa përmirësime në Notes, në Lock Screen si dhe në aplikacionin Health.
macOS Sonoma pajiset me widgets për desktop
Apple prezantoi disa përmirësime vizuale për macOS Sonoma, si përshembull përdorimi i widgets për desktop, së bashku me disa screensavers të reja. Apple ka prezantuar dhe një Gaming Mode për macOS që do t’i japë prioritet GPU dhe CPU kur ju luani lojra në Mac.
Apple risjell widgets në watchOS 10
Me sa duket widgets janë një pjesë e rëndësishme e përmirësimeve gjatë këtij viti, pasi kompania ka rritur prezencën e tyre në shumë sisteme operative të ndryshme, tashmë dhe në watchOS.
FaceTime po vjen në Apple TV
Apple do t’ju lejojë së shpejti që të përdorni FaceTime në Apple TV. Ky shërbim i ri do të përfitojë nga aftësitë Continuity Camera në iPhone, ku ju mund të përdorni smartphone-in tuaj për të zëvëndësuar kameran.
