Studiuesit në Monash University në Australi kanë zhvilluar një lloj të ri testimi gjaku që mund të zbulojë nivelin e përgjumjes tek drejtuesit e makinave.
Testimet që mund të përcaktojë nëse drejtuesit kanë konsumuar alkool përtej normave të lejuara janë tashmë shumë të pranishme në ditët e sotme, por jo të gjithë gjithë aksidentet ndodhin për shkak të konsumit të alkoolit. Disa prej tyre ndodhin dhe për shkak të lodhjes së drejtuesve që punojnë me orë të gjata pa u qetësuar aq sa duhet.
Studimet e fundit kanë treguar se drejtimi i makinës kur keni fjetur më pak se 5 orë është njëlloj i rrezikshëm si të drejtoni makinën pas konsumimit të një sasie të konsiderueshme alkooli. Prandaj lind nevoja për gjetjen e provave të reja në lidhje me përgjumjen e drejtuesve.
Mirëpo si arrin një analizë e gjakut të dallojë përgjumjen?
Ekipi i studiuesve i drejtuar nga Clare Anderson identifikoi 4 biomarkues në gjakun e njerëzve që mund të përcaktojnë nëse një individ ka qenë zgjuar gjatë 24 orëve të fundit me një saktësi 99%.
Këta markues vijnë nga pjesë të ndryshme të trupit por nuk janë metabolite, dhe për këtë arsye prezenca e tyre nuk mund të ndikohet nga një aksident, duke e bërë rezultatin të besueshëm.
Studiuesit tani po punojnë për të gjetur një mënyrë për ta përmirësuar këtë testim në mënyrë që ai të zbulojë dhe numrin e orëve që një individ ka fjetur. Anderson beson se ky testim do të kryhet së bashku me ato të alkoolit apo të drogërave pas një aksidenti automobilistik.
