Microsoft Build ka nisur që nga dita e djeshme dhe ka marrë formën e një eventi tepër të madh të fokusuar në inteligjencën artificiale. Kompania ka treguar se si do të zgjerojë përdorimin e AI në shërbimet dhe aplikacionet që ofron, duke përfshirë këtu dhe Windows 11, Microsoft 365 e tjerë.
Më poshtë do të flasim për prezantimet më të rëndësishme që pritet të bëhen gjatë Microsoft Build 2023.
Windows 11 do të pasurohet me AI Copilot
Microsoft do të ofrojë asistentin personal AI të quajtur Copilot në Windows 11. I njejti asistent është i pranishëm dhe në Edge, aplikacionet Office dhe GitHub.
Copilot do të integrohet në taskbar dhe ju mund të kërkoni nga ai që të rishkruajë, të përmbledhë apo të shpjegojë më thjeshtë tekste sipas dëshirës tuaj. Microsoft tregon se do të testojë këtë shërbim publikisht gjatë muajit të ardhshëm para se ta bëjë të aksesueshëm për të gjithë përdoruesit.
Microsoft 364 Copilot tashmë do të suportojë plug-ins
Asistenti AI do të mund të suportojë dhe plug-ins tashmë të 3 llojeve kryesore: extensions për mesazhet në Teams, ndërlidhësit në Power Platform si dhe mjete që përdorin teknologjinë e ChatGPT. Ju do të jeni në gjendje që të zgjidhni nga dhjetëra plug-ins të palëve të treta si ato nga Atlassian dhe Adobe.
Microsoft Edge së shpejti do të ofrojë integrimin me 365 Copilot
Microsoft do të sjellë 365 Copilot në Edge, i cili do të gjendet në sidebar dhe do të përdoret për t’ju ndihmuar me projekte të ndryshme në aplikacionet e Microsoft 365 si Outlook, Word, Excel e tjerë.
Ju do të jeni në gjendje të editoni email-e, të shtoni të dhëna në një spreadsheet si dhe të gjeneroni status updates duke u bazuar në kapitujt e chat-it.
Windows Terminal do të marrë një përmirësim AI
Windows Terminal do të pajiset me një chatbot të fuqizuar nga AI përmes një integrimi me GitHub Copilot. Zhvilluesit që përdorin GitHub Copilot do të jenë në gjendje të përdorin chatbot direkt në terminal për të kryer veprime të ndryshme, për të marrë rekomandime në kod si dhe të gjejnë gabimet në të.
Bing është motori i përzgjedhur i kërkimit nga OpenAI
Pas investimit të miliarda dollarëve nga Microsoft, është tepër normale që OpenAI të përzgjedhë Bing si motorin e përzgjedhur të kërkimit për chatbot-in ChatGPT. Duke nisur nga sot, përdoruesit e ChatGPT Plus do të shikojnë citime të marra nga Bing që do të shtohen në përgjigjet e chatbot-it.
