Logitech sapo prezantoi një kamerë të re të quajtur Reach me një krah fleksibël, duke lejuar lëvizje të lehtë, madje edhe regjistrimin e videove me drejtim poshtë. Kompania thotë se ky është mjeti i përsosur për prezantime jo-dixhitale, pasi këndi i poshtëm ju lejon të kapni video të gjërave që keni në tryezën tuaj.
Me fjalë të tjera, përdorni Logitech Reach për takime interaktive në distancë, mësime në internet, transmetime të drejtpërdrejta dhe të gjitha llojet e prezantimeve të tjera. Kompania rekomandon që përdoruesit “të vendosin në pozicionet e duhura produktet së pari dhe më pas të pozicionojnë kamerën“. Ekziston një buton për lëvizje vertikale dhe zmadhim pa humbje cilësie deri në 4,3x, me një dorezë për të lëvizur kamerën përgjatë planit vertikal. Madje ka edhe udhëzues të integruar për të ndihmuar që imazhi të qëndrojë drejt ndërsa kamera lëviz.
Kamera është një version i përmirësuar i kamerës popullore Logitech Stream me xham më cilësor dhe një veçori të re të fokusimit automatik inteligjent. Përveç kësaj, specifikimet janë të njëjta, kështu që prisni aftësi video 1080p/60fps. Logitech ofron një përvojë plug-and-play për pajisjen, pasi ajo lidhet nëpërmjet USB-së dhe integrohet automatikisht me shumicën e kompjuterëve dhe platformave të transmetimit.
Për sa i përket çmimit, Logitech nuk e ka cilësuar qartë atë, megjithëse në blog mund të shikohet një postim që tregon se do të jetë $300-$400 për blerësit e parë. Gjithashtu nuk ka një datë konkrete se kur ky produkt do të vijë në treg.
Ndoshta ju po mendonit të blinit vetëm mekanizimin lëvizës dhe të montonit kameran tuaj në të, por me sa duket një gjë e tillë nuk do të jetë e mundur. Drejtuesi i produkteve të Logitech, Gaurav Bradoo tregoi se ekipi e konsideroi këtë veprim, por hulumtimi i tregut tregoi se ata duhet të krijojnë “një zgjidhje të re dhe jo vetëm një mekanizëm“.
