IFA 2024: Acer prezanton laptopin e ri që ka një controller të fshehur nën tastierë

Last updated: 8 Shtator, 2024 10:29 am

3 Min lexim

Nga të gjithë laptopët e rinj Acer të prezantuar në IFA 2024, ku Geek Room është i pranishëm për të informuar ndjekësit me të rejat më të fundit nga bota e teknologjisë, Project DualPlay ishte më interesanti.

Është një koncept që Acer thotë se u jep lojtarëve më shumë mënyra për të luajtur lojra në laptop. Për Projektin DualPlay, Acer mori laptopin e tij të lojërave Predator dhe shtoi një hapësirë poshtë tastierës për të mbajtur controller-in e tij të personalizuar të lojërave me fytyrë poshtë. Pjesa e pasme e controller funksionon si një trackpad për laptopin.

Për të nxjerrë këtë controller nga trupi i laptopit, mjafton të shtypni një buton në krye të tastierës dhe bën që dy altoparlantë 5W të dalin nga anët e laptopit. Ky controller mund të ndahet më tej në mënyrë të ngjashme me një Nintendo Switch.

A gaming laptop with a gamepad hovering above it. There is a gamepad-shaped cutout where the trackpad usually goes, and it’s clear that the controller stows face-down in it when not in use.

Njoftimi për shtyp i Acer thotë se Project DualPlay lejon një person të dytë t’ju bashkohet po aq lehtë sa nxjerrja e controller-it nga laptopi. Street Fighter 6 është posaçërisht i përmendur si dhe disa lojra first person shooter, megjithëse kjo e fundit ka kuptim vetëm nëse loja mbështet split-screen play.

Prezantime të tjera të bëra nga Acer gjatë këtij eventi përfshijnë një konsolë për luajtjen e lojrave që mbahet në dorë e quajtur Nitro Blaze 7 si dhe një monitor gaming me shpejtësi rifreskimi 600Hz Nitro XV240F6.

Nitro Blaze 7 vjen me një ekran 7 inç 1080p 144Hz IPS FreeSync dhe çip AMD Ryzen 8840HS – pothuajse i njëjtë me Ryzen 7840HS i përdorur zakonisht, por me aftësi AI që Acer po përdor për të “optimizuar performancën dhe reagimin“. Performanca ka të ngjarë të jetë e ngjashme me pajisjet e tjera ekzistuese, duke pasur parasysh përdorimin e të njëjtit chipset, por Acer e ka çiftuar atë me LPDDR5x të shpejtë 7500MT/s dhe deri në 2TB hapësirë ruajtëse NVMe.

Për sa i përket monitorit Nitro CV240F6, dallimi midis 480 Hz dhe 600 Hz është i vogël në terma realë – ne po flasim për një imazh të ri çdo 2.08 ms kundrejt 1.66 ms – por na sjell një hap më afër ëndrrës 1000 Hz.