Hewlett-Packard, ose siç njihet ndryshe HP, ka irrituar me mijëra përdorues të printerave të kësaj kompanie përmes update-it më të ri të firmware-it, i cili nuk i lejon këta përdorues të shfrytëzojnë pajisjen e tyre nëse kanë blerë një bojë me çmim më të lirë nga rivalët e HP.
Me pak fjalë, printerat HP nuk do të funksionojnë më nëse ju nuk blini bojën e çertifikuar nga HP. Njohja do të bëhet e mundur përmes çipit të pranishëm në bojrat e çertifikuara nga HP, ndërkohë që bojrat e palëve të treta nuk e kanë një çip të tillë.
Më parë nëse ju përdornit bojra të blera nga shitës të paautorizuar, thjesht shfaqej një njoftim në kompjuterin tuaj se ju po përdornit një bojë të tillë, mirëpo tashmë pas update-it më të ri printeri juaj nuk do të funksionojë nëse nuk përdorni bojën e HP.
We’ve been confused about why the printer won’t print. Turns out hp has ink cartridges that won’t work if you’re not paying their monthly subscription. That’s an absolutely crazy thing to do. Got my printer blocking the ink that’s IN THE CARTRIDGE
— lina inverse ˣ (@Lazecapri) May 8, 2023
Kompania e justifikon këtë update duke thënë se në këtë mënyrë është bërë i mundur reduktimi i sulmeve që rrezikojnë sigurinë, performancën dhe cilësinë e printimit të printerave HP. Megjithatë, në website-in e HP lexohet se HP pengon dhe përdorimin e bojrave nga rivalët për të ruajtur integritetin e sistemeve të tyre të printimit, si dhe për mbrojtjen e produktit të tyre.
Shumë prej klientëve të HP janë ankuar në rrjetet sociale ku tregojnë se ndihen të tradhëtuar nga update-i më i ri i kompanisë.
