Si thoni për një tjetër event ndërkombëtar? Pas një fundjave të suksesshme në Berlin, ku vizituam për të katërtin vit një nga eventet më të mëdha teknologjike në Evropë, IFA 2024, është koha të fluturojmë në Dubai.
Së bashku me PLUGZZi, Geek Room do të jetë i pranishëm në një nga eventet më ikonike të teknologjisë në datat 14-18 tetor, GITEX GLOBAL 2024, tashmë në edicionin e 44-t.
Për më shumë se katër dekada, GITEX GLOBAL ka qenë porta hyrëse për krijuesit në fushën e teknologjisë, investitorët dhe entuziastët që dëshirojnë të bashkëpunojnë. Këtë vit, ekspozita arrin nivele të reja të larta, duke u shtrirë në dy mega vende – Dubai World Trade Center dhe Dubai Harbour.
Ajo ofron një hapësirë të paprecedentë prej më tepër se 44 salla ekspozimi, duke shfaqur gjigantët e teknologjisë dhe startup-et inovative në fusha si AI, siguria kibernetike, lëvizshmëria, teknologjia e qëndrueshme dhe më shumë.
Ekosistemi GITEX GLOBAL përfshin 9 shfaqje të bashkëvendosura: GITEX GLOBAL, AI Everything, GITEX Impact, Future Urbanism, GLOBAL Devslam, Expand North Star, Fintech Surge, Future Blockchain Summit dhe Marketing Mania. Në qendër të këtyre shfaqjeve janë inovacioni, bashkëpunimi dhe zbulimi. Të pranishmit mund të eksplorojnë aplikime në botën reale të AI dhe të burimit të inovacioneve të fundit që reduktojnë kostot operative dhe rrisin efikasitetin e biznesit.
PLUGZZi, tashmë gati për t’u globalizuar, do të jetë e pranishme me stendën e saj në këtë ekspozitë si e vetmja kompani shqiptare në Gitex Global 2024, për të prezantuar një zgjidhje mjaft të lehtë të problemit tonë të përditshëm: shkarkimit të baterisë së pajisjeve tona elekronike.
Ajo që e bën të veçantë PLUGZZi si kompania e parë shqiptare në eventin më të madh të teknologjisë në planet është inovacioni që sjell si kompania e vetme që do të promovojë shërbimin “Charge on the go & Advertising” nëpërmjet ekraneve të karikimit pjesëmarrëse në këtë panair.
Falë risive në produktet dhe shërbimet që kjo kompani ofron, të cilat do të ekspozohen denjësisht në GITEX GLOBAL 2024, PLUGZZi është në kërkim të zgjerimit në tregje të reja në mbarë botën.
Cfarë është PLUGZZi?
PLUGZZi erdhi për herë të parë në Shqipëri këtë vit si një shërbim inovativ që ofron mundësinë e karikimit të pajiseve të ndryshme inteligjente, si telefonin, tabletin, kameran apo çdo pajisje tjetër që kërkon karikim përmes portave USB Type B, USB Type C dhe Lightning Cable, në mënyrë që bateria e smartphone-it tuaj të mos ju prishë argëtimin tuaj gjatë ditës apo mbrëmjes në barin tuaj të preferuar.
Ky shërbim është dizenjuar duke u bazuar në 3 vlera të rëndësishme: thjeshtësia, besueshmëria dhe liria. Në këtë mënyrë karikimi do të bëhet aq i thjeshtë, saqë nuk do të shqetësoheni më në të ardhmen për baterinë e smartphone-it tuaj.
Avantazhi i PLUGZZi është se ka stacione të shumta të përhapura në çdo cep të Shqipërisë: qendrat tregtare, qendrat e transportit, atraksionet turistike dhe evente të ndryshme për aksesueshmëri sa më të gjerë. Kjo gjë bën të mundur që ju të gjeni lehtësisht një stacion sa më pranë vendndodhjes tuaj për të tërhequr një PLUGZZi, por bën shumë më të thjeshtë dhe kthimin e tij pasi të keni mbaruar punë. E gjitha, duke përdorur aplikacionin.
Ju mund të ktheni PLUGZZi pasi të keni karikuar pajisjen tuaj në çdo stacion, nuk ka aspak rëndësi se ku e keni tërhequr atë!
Përgatitjet tona kanë nisur tashmë dhe në ditët në vazhdim do ju tregojmë më shumë.
