Edhe Notepad në Microsoft do të përditësohet me shërbime AI

Microsoft po shton redaktimin e tekstit përmes inteligjencës artificiale në Notepad, programin e prezantuar fillimisht në 1983.

Funksioni, i quajtur Rewrite, do të shfaqet fillimisht në Windows Insiders dhe do t’ju lejojë të përdorni AI për të “riformuluar fjalitë, rregulluar tonin, dhe modifikoni gjatësinë e përmbajtjes suaj,” siç bëhet me dije në blogun e Windows Insider. Nëse jeni një Windows Insider me akses të hershëm në funksion, mund ta provoni duke përzgjedhur tekstin që dëshironi të rregulloni në Notepad, duke klikuar me të djathtën mbi të dhe duke zgjedhur Rewrite.

Notepad më pas do të shfaqë një kuti dialogu ku mund të vendosni se si dëshironi të ndryshoni tekstin – për shembull, nëse duhet të jetë më i gjatë ose më i shkurtër. Rewrite më pas do të ofrojë tre versione të rishkruara me të cilat mund të zëvendësoni punën tuaj.

Vlen të përmendet se do të duhet të regjistroheni në llogarinë tuaj të Microsoft për të përdorur Rewrite, pasi “mundësohet nga një shërbim i bazuar në cloud që kërkon vërtetim dhe autorizim“. Microsoft po e lëshon këtë veçori në pamje paraprake në Windows 11 në SHBA, Francë, MB, Kanada, Itali dhe Gjermani. Në korrik, Microsoft më në fund përditësoi Notepad-in me kontrollin drejtshkrimor dhe korrigjimin automatik.

Së bashku me sjelljen e Rewrite në Notepad, Microsoft do t’i lejojë Insiders të fillojnë testimin e mjeteve të reja të editimit të imazheve nëpërmjet AI në Paint. Funksioni Generative Fill ju lejon të bëni shtesa në një imazh bazuar në një kërkesë, ndërsa Generative Erase mund të heqë një pjesë të një imazhi në mënyrë tërësisht normale.

Generative Fill do të shpërndahet “fillimisht” për testuesit me kompjuterë Copilot Plus, por Generative Erase do të jetë i disponueshëm për të gjithë Insiders në Windows 11.