Ekspertët e sigurisë kibernetike kanë zbuluar një nga thyerjet më të mëdha të të sigurisë ndonjëherë – një grup prej 30 databazash që përmbajnë detaje për rreth 16 miliardë llogari, siç tregon Cybernews. Këto të dhëna janë gjeneruar kryesisht nga malware që vjedh informacion, duke u përdorur nga hakerë të ndryshëm kriminalë dhe ndoshta edhe studiues të sigurisë.
Databazat ndryshojnë në madhësi, nga ato më “të voglat” me miliona hyrje, deri tek ato gjigante me miliarda. Ato përfshijnë llogari nga shërbime si Google, Apple, Facebook, VPN të ndryshme, GitHub, Telegram, dhe të tjera. Nga 30 grupet e të dhënave, vetëm një ishte raportuar më parë – një databazë misterioze me 184 milionë regjistrime.
Më shqetësuese është fakti që sipas studiuesve, të dhëna të reja me përmasa të ngjashme shfaqen çdo disa javë, çka tregon përhapjen masive të infostealer malware. Këto databaza ishin të aksesueshme për një kohë të shkurtër në internet dhe më pas u bllokuan, por pronarët e tyre mbeten të panjohur.
Për shkak të mbivendosjes së informacionit, është e pamundur të përcaktohet saktësisht sa persona janë prekur – por duke marrë parasysh se mbi 5.5 miliardë njerëz kanë akses në internet dhe shumë kanë disa llogari, impakti është i jashtëzakonshëm.
Një shkak i zakonshëm i rrjedhjeve të të dhënave mbetet përdorimi i databazave të pambrojtura. Ndërkohë, kriminelët kibernetikë i përdorin këto të dhëna për sulme të sofistikuara si phishing, vjedhje identiteti, mashtrime financiare dhe ransomware.
