Të paktën dy krijues rusë kanë postuar video në të cilat ata bënin unboxing të një laptopi MacBook që besohet të jetë modeli tjetër bazë MacBook Pro 14 inç me një çip M4.
Apple, e cila nuk e ka prezantuar akoma këtë model zyrtarisht, mendohet se do të organizojë një event në nëntor për të prezantuar produktet e reja, së bashku me MacBook të fuqizuar nga M4. Gjatë fundjavës, Mark Gurman i Bloomberg tregoi një video të postuar nga kanali rus në YouTube Wylsacom.
Ai thekson se paketimi duket i njëjtë me M3 MacBook Pro, deri te sfondi në kuti që Apple tenton të ndryshojë çdo vit. Në videon 13-minutëshe, krijuesi konfiguron laptopin dhe kryen disa teste Geekbench së bashku me një MacBook Air 2022. Në përgjithësi, MacBook Pro i paraqitur në video përputhet me pritshmëritë e modeleve me speicfika të përmirësuara, por pa ndryshime të mëdha të jashtme.
Më pas, Gurman citoi një tjetër YouTuber rus, Romancev768, i cili gjithashtu postoi një video që mendohet të jetë e M4 MacBook Pro. Ashtu si videoja e parë, kutia e saj ka sfondin e vitit të kaluar. Por në këtë video shfaqet dhe dritarja “About This Mac” e laptopit, duke konfirmuar se është fuqizuar nga një çip M4.
Gurman e quajti rrjedhjen e mundshme “të paprecedentë“, që u publikua për herë të parë nga ShrimpApplePro, i cili shkruan se “disa shitës” kishin 200 MacBook Pro në magazinë.
“Kjo është ndoshta rrjedhja më e madhe që kam parë ndonjëherë,” shkruajnë ata. ShrimpApplePro kishte postuar gjithashtu disa imazhe muajin e kaluar të paketimit MacBook Pro 14 inç.
