Një raportim i ri nga The Information sugjeron se Apple po i zhvendos prioritetet e saj të realitetit të shtuar. Plani për prezantimin e gjeneratës së re të Vision Pro supozohet se është ndaluar momentalisht ndërsa puna vazhdon për krijimin e një versioni me çmim më të përballueshëm që ka disa funksione më pak se produkti origjinal.
Duke cituar një punonjës në zinxhirin e furnizimit të headset të Apple dhe një që punon në sektorin e prodhimit, raportimi pretendon se versioni më i lirë Vision – që do të kushtojë rreth $1,600 – pritet të prezantohet përpara fundit të vitit 2025. Apple fillimisht kishte synuar të prezantonte këtë headset së bashku Vision Pro, njësoj si me modelet e disponueshme në çdo version të iPhone.
Modeli më i përballueshëm ka të ngjarë të ketë më pak kamera, altoparlantë më të vegjël dhe më pak peshë, megjithëse Apple ka luftuar për të ulur koston e ekraneve të njësisë. Përpjekjet e Apple në realitetin e shtuar vëzhgohen nga afër nga lojtarët e tjerë në hapësirën e kufjeve, kështu që edhe një hap prapa nga headset-i i nivelit të lartë mund të ketë pasoja të rëndësishme.
Burimet e The Information tregojnë se Apple ka prodhuar afërsisht 500,000 Vision Pro dhe nuk do të prodhojë më shumë, pavarësisht hyrjes në tregjet e reja të Evropës, Kinës, Japonisë dhe Australisë.
