Një 82 vjeçar, emri i të cilit nuk është bërë i ditur vuante nga një formë agresive e kancerit të gjakut. Dukej sikur atij po i mbaronin mundësitë e trajtimit, pasi kishte kryer 6 seanca kimioterapie të cilat nuk arritën të parandalonin shtimin e këtyre qelizave. Gjatë kësaj periudhe doktorët kishin provuar disa ilaçe të ndryshme të cilat përdoren shpesh herë në luftën kundër kancerit, duke shpresuar se njëra prej tyre do të jepte efekte të mira, por për fat të keq ato nuk po jepnin rezultate.
Ky person jetonte në Vienë, Austri, dhe kishte dëgjuar që Medical University of Vienna kishte nisur të testonte një program të ri teknologjik për trajtimin e kancerave. Në këtë universitet po testohej një teknologji përshtatje e zhvilluar nga një kompani britanike Exscientia, e cila përshtat metabolizmin e pacientëve me ilaçet e duhura që veprojnë mbi këtë person, duke marrë parasysh ndryshimet e vogla biologjike midis njerëve.
Studiuesit morën pak ind nga ky person, e ndanë atë në më shumë se 100 pjesëza të vogla që përmbanin qelizat normale dhe ato të kancerit. Më pas ato nisën t’i ekspozonin këto provëza ndaj ilaçeve të ndryshme. Duke përdorur automatizimin robotik dhe modelet machine-learning të stërvitura për të identifikuar ndryshime të vogla në qeliza, ato arritën të klasifikonin ndryshimet.
Me pak fjalë kjo teknologji përdor të njejtën teknikë të përdorur dhe nga doktorët më parë, atë të provimit të ilaçeve të ndryshme, por jo duke i injektuar ato në trupin e njeriut.
Disa nga ilaçet e përdorur nuk vrisnin qelizat e kancerit në trupin e këtij personi, ndërkohë që disa ilaçe të tjera dëmtonin qelizat e shëndetshme të tij. Ky person ishte shumë i frikësuar të trajtohej me ilaçin e parë të përzgjedhur nga teknologjia, dhe vendosi të trajtohej me ilaçin e dytë në listë të prodhuar nga Johnson & Johnson. Ky ilaç nuk ishte injektuar më parë nga mjekët në trupin e tij pasi studime të ndryshme tregonin se ilaçi nuk ishte efektiv në trajtimin e këtij lloji të kancerit.
Megjithatë kjo metodë dha rezultate pozitive. Pas 2 vitesh, Paul ishte në remision total, qelizat kancerogjene ishin shkatërruar.
