Adobe prezantoi Project Primrose, një fustan i animuar dhe interaktiv që mund të ndryshojë dizajnin dhe stilin e tij pothuajse çdo sekondë gjatë eventit Adobe MAX 2023: Sneaks në Los Angeles më 10 tetor.
Christine Dierk udhëhoqi eventin duke tronditur audiencën pasi me një klikim të një butoni fustani i saj filloi të ndryshonte dizajnin e tij pothuajse vazhdimisht vetëm përmes një komande të saj. Më vonë, siç shihet në video, ajo u thotë shikuesve se ata gjithashtu mund të përdorin dhe dizajne të animuara dhe se veshja madje mund të dallojë lëvizjen e mbajtësit, duke e bërë dizajnin të lëkundet në drejtimin që shkon personi.
Qëllimi i Project Primrose është të krijojë një fustan të përshtatshëm, të adaptueshëm dhe fleksibël, ku krijuesit e përmbajtjeve dhe dizenjuesit mund të shfaqin krijimet e tyre në fustanin interaktiv. Adobe dhe Christine Dierk konfirmojnë se Project Primrose i lejon përdoruesit e tij të shfaqin përmbajtjet e krijuara me Adobe Firefly, Adobe After Effects, Adobe Stock dhe Adobe Illustrator në të gjithë sipërfaqen e fustanit, në mënyrë që modelet e tyre të dashura të shfaqen menjëherë përmes klikimit të një butoni. Projekti lë të kuptohet për mundësinë e adoptimit të teknologjisë në fusha të tjera krijuese si industria e mobiljeve.
Project Primrose së shpejti mund t’u mundësojë dizenjuesve të aplikojnë këtë teknologji në veshje, mobilje dhe sipërfaqe të tjera, në mënyrë që ata të ofrojnë mundësi të shumta, duke përfshirë aftësinë për të shkarkuar dhe veshur dizajnin më të fundit nga stilisti juaj i preferuar.
