Google ka nisur të punojë për të zëvëndësuar cookies të cilat ndjekin aktivitetin tuaj në browser me një shërbim të quajtur Privacy Sandbox. Ky shërbim ka nisur të përgatitet që para disa vitesh, dhe tani me sa duket është gati për t’u prezantuar.
Chrome tregoi se ka si qëllim të aplikojë këtë ndryshim në Chrome 115, që do të prezantohet në korrik të këtij viti. Duke nisur nga ky version, websites do të nisin të testojnë Topics API dhe shërbime të tjera të dizenjuara për shfaqjen e reklamave të personalizuara dhe ndjekjen e aktivitetit cross-site. Google shtoi se ky shërbim nuk do të aktivizohet menjëherë për të gjithë përdoruesit, por do të lançohet në mënyrë të ngadaltë në mënyrë që kompania të zgjidhë shpejt problemet potenciale.
Privacy Sandbox do të shfaqet gjithashtu dhe në browser-at e tjerë që janë bazuar në Chromium si Microsoft Edge. Duke filluar nga 3 mujori i parë i vitit 2024, cookies të palëve të treta do të çaktivizohen për 1% të të gjithë përdoruesve të Chrome. Ky do të jetë testi i parë i vërtetë për Privacy Sandbox, dhe nëse gjithçka shkon mirë, kjo përqindje do të rritet me kalimine kohës.
Planet e Google për zëvëndësimin e cookies në Chrome u prezantuan për herë të parë në vitin 2019 përmes përdorimit të një teknologjie të quajtur Federated Learning of Cohorts, ose FLoC, ku grupohen së bashku njerëz me histori kërkimi të ngjashme, duke lejuar reklamuesit që të targetojnë këto grupe pa patur nevojë për të marrë informacione personale rreth tyre.
