‘Qafa e teknologjisë’ po përhapet në mbarë botën, pasi njerëzit po i tendosin kockat dhe muskujt e tyre duke parë ekranet për një kohë të gjatë – por një sondazh zbulon se amerikanët janë më të prekurit nga kjo dhimbje.
Ekspertët e mirëqenjes analizuan kërkimet në Google për ‘qafën e teknologjisë’ dhe ‘rregullimin e qëndrimit të keq’, dhe zbuloi se të dyja kërkimet ishin më të larta në SHBA, më pas në Australi dhe Kanada. Kërkimet tregojnë se një amerikan mesatar shpenzon më shumë se pesë orë duke bërë scroll në smartphone dhe akoma më shumë kohë duke parë ekranet çdo ditë, duke çuar në tendosje të përsëritur në kocka dhe ngurtësim të muskujve. Një ekspert i mirëqenies dhe qëndrimit tregoi se disa zgjidhje të shpejta për të shmangur dhimbjen dhe qëndrimin e gabuar janë lëvizjet e jogës si Standing Forward Bend apo Warrior II Pose.
Koka mesatare e një të rrituri peshon 4,5-5,5 kg dhe përkulja e saj përpara në një kënd 45 gradë për të parë një smartphone rrit forcën në qafë me pothuajse 22 kg.
Neww York-Presbyterian Hospital e përkufizon ‘qafën e teknologjisë‘ si ‘pasojë nga shpenzimi i tepërt i kohës duke shikuar telefonat ose tabletët, ose mbajtja e kokës shumë përpara për të parë ekranin e kompjuterit‘, gjë që mund të shkaktojë ‘dhimbje, ngurtësi. madje edhe lëndim”. Dhe megjithëse duket e lehtë për t’u shmangur, ‘qafa e teknologjisë’ paraqet efekte të shumta anësore afatgjata. Mund të shkaktojë dhimbje koke, mpirje në duar, madje edhe ndryshime të përhershme të shtyllës kurrizore.
Kjo është për shkak se duke kaluar orë të tëra duke qëndruar pezull mbi telefonin tuaj mund të shkaktojë zgjatjen e muskujve të qafës dhe shkurtimin e muskujve të gjoksit, duke rritur presionin në pjesën e sipërme të shtyllës kurrizore. Sondazhi i ri nga ISSA Yoga, zbuloi se kërkimet për dhimbjet e qafës u rritën me gati 30% në SHBA gjatë muajit të fundit.
