Që nga viti 1977 kur u publikuar filmi i parë Star Wars, fansat kanë ëndërruar të zotërojnë një lightsaber real – arma shumëngjyrëshe që mund të presë shumë lehtë mishin ose metalin. Pavarësisht disa përpjekjeve mbresëlënëse të inxhinierëve, kërkimi për të krijuar një version që është identik me ato në filma mund të duket jashtë sferës së realitetit.
Megjithatë një shkencëtar mendon se mund të jetë në të vërtetë e mundur dhe ka publikuar një udhëzim hap pas hapi për krijimin e një shpate të tillë. Megjithatë, Dr Alex Baker, një kimist në Universitetin e Warwick, paralajmëroi se “shkopi vdekjeprurës super i nxehtë” mund të jetë shumë i rrezikshëm për t’u prezantuar në publik.
Tehu i kësaj shpate përbëhet nga ‘plazma’, gjendja e katërt e lëndës pas atyre të ngurtë, të lëngët dhe të gaztë. Sipas Dr Baker, një shpatë e vërtetë lightsaber do të merrte gaz nga ajri përreth, të cilin mund ta jonizonte për t’u bërë plazma. Plazma është një gaz i jonizuar, që do të thotë se atomet ose molekulat e saj nuk janë neutrale, por në vend të kësaj bartin një ngarkesë elektrike.
YouTuber-ët tashmë janë përpjekur të krijojnë një shpatë të ngjashme, duke përfshirë Alex Burkan nga Rusia, i cili krijoi lightsaber-in e parë që mund të mbyllet në 2022. Megjithatë, krijimi i tij nuk i ngjan aspak filmave dhe tehu ndizet vetëm për 30 sekonda.
Ndërkohë, kanadezi James Hobson krijoi versionin e tij me një teh më të qëndrueshëm, por kjo ndodh vetëm sepse e merrte burimin e energjisë nga një çantë shpine. “Njerëzit kanë krijuar pajisje që prodhojnë një rrymë të drejtpërdrejtë plazme që përfundimisht ftohet dhe dejonizohet përsëri në gaz”, tha Dr Baker. “Gjatësia e shpatës është e kufizuar nga sa larg ata mund të nxjerrin një rrymë plazme – d.m.th. sa larg mund të lëshoni një gaz të jonizuar përpara se të ftohet dhe elektronet të rikombinohen me jonet e tyre. Problemi është se plazma ka tendencë të shpërndahet nëse nuk është e përfshirë në një fushë magnetike, kështu që shpata do të zhduket menjëherë pasi të ndizet shpata e dritës.”
