Shkencëtarët kanë bërë një zbulim të madh për sa i përket sëmundjes së kancerit, duke evidentuar një “çelës” që bën të mundur ndalimin e avancimit të sëmundjes. Duke aktivizuar këtë nivel molekular, studiuesit në Korenë e Jugut ishin në gjendje të rikthenin qelizat kancerogjene në një fazë më të shëndetshme. Kjo i lejoi ata të kalonin në momentin kritik përpara se qelizat normale të transformoheshin në mënyrë të pakthyeshme në qeliza të sëmura dhe të ndalonin përparimin.
“Ky zbulim ofron një qasje të re për trajtimin e kancerit duke rilidhur qelizat e kancerit në vend që t’i eliminojë ato,” tha Dr Tiffany Troso-Sandoval, një onkologe e cila nuk ishte e përfshirë në studim. Për të kuptuar më mirë këtë gjendje hibride, mund të mendoni për ujin që vlon saktësisht në 100c tha Dr Troso-Sandoval. “Ka një moment të shkurtër kur uji nuk është as plotësisht i lëngshëm ose plotësisht avull“, i ngjashëm me atë se si zhvillimi i kancerit përfshin një dritare të shkurtër ku qelizat janë të shëndetshme dhe kanceroze, shpjegoi ajo.
Trajtimet tradicionale të kancerit fokusohen në heqjen e qelizave kancerogjene përmes operacionit, ose shkatërrimin e tyre me rrezatim ose kimioterapi. Por studimi i ri duket se ka zbuluar një qasje të tretë që mund të lejojë pacientët me kancer të rifitojnë qelizat e tyre të shëndetshme. Kjo mund të çojë potencialisht në terapi që janë më pak toksike se rrezatimi dhe kimioterapia, tha Dr Troso-Sandoval.
Bashkëautori i hulumtimit të ri, Kwang-Hyun Cho, një profesor i biologjisë në Institutin e Avancuar të Shkencës dhe Teknologjisë në Kore, tha: “Ky studim ka zbuluar në detaje, në nivelin e rrjetit gjenetik, çfarë ndryshimesh ndodhin brenda qelizave pas procesit të zhvillimit të kancerit, i cili deri më tani është konsideruar si mister. Ky është studimi i parë që zbulon se një e dhënë e rëndësishme që mund të rikthejë fatin e [zhvillimit të tumorit] fshihet pikërisht në këtë moment ndryshimi,” shtoi ai.
Zhvillimi i kancerit nuk është një transformim i menjëhershëm. Kjo ndodh gradualisht ndërsa ndryshimet në ADN-në e qelizave të shëndetshme ndërtohen me kalimin e kohës, gjë që ndryshon mënyrën se si funksionojnë qelizat.
Pavarësisht këtij zbulimi të rëndësishëm jemi ende në fazat e para të studimit, pasi do të nevojiten shumë testime dhe studime të tjera para se të përdoret për trajtimin e sëmundjes.
