Skeptikët kanë ngritur prej kohësh pyetjen se pse UFO-t, nëse janë mjete aliene, do ta vizitonin kaq shpesh Tokën. Por dy shkencëtarë të Harvardit dyshojnë se qeniet mund të kenë qenë në Tokë gjatë gjithë kohës.
Në një studim të ri kërkimor, ata vlerësojnë se ka 10% shanc që zgjidhja e vërtetë e misterit të UFO-ve mund të jetë ‘kriptoterestriale’ – që do të thotë se ato i përkasin një specie të avancuar dhe fshihen midis njerëzve normalë në Tokë.
“Ndërsa ky nocion mund të tingëllojë i pamundur kur e dëgjoni për herë të parë, shumë vëzhgues janë të bindur se është të paktën e imagjinueshme,” shkroi ekipi në studimin e tyre të ri, “sepse pjesë të tëra të planetit tonë mbeten praktikisht të paeksploruara”. Me 80% të oqeaneve ende të paeksploruar dhe ende duke zbuluar mistere të lashta si Yonaguni Jima, ‘Atlantida japoneze’, për të mos përmendur shpellat e paeksploruara dhe anën e errët të hënës, ata argumentojnë se ka shumë hapësirë për një qytetërim ‘të fshehtë’.
“Nëse një specie tjetër inteligjente do të kishte banuar në Tokë (ose Mars) shumë kohë përpara Homo sapiens, është e mundur që ne nuk mund ta kishim idenë”, thekson treshja në artikullin e tyre, i cili do të publikohet në revistën Philosophy and Cosmology këtë qershor. Puna është një bashkëpunim midis shkencëtarëve që janë përpjekur në mënyrë të pavarur të sigurohen që të gjitha teoritë e zbatueshme të merren parasysh për misterin e UFO-ve.
Kongresi Amerikan, Pentagoni dhe organizata të tjera në qeverinë amerikane tani më shpesh i referohen UFO-ve si ‘dukuri të paidentifikuara ajrore (ose anormale)‘. Rajone të shumta në Tokë dhe afër Tokës u cituan në studimin e ri si kandidatë të vlefshëm për të hetuar shanset e një baze sekrete të specieve të supozuara.
Një rajon, i quajtur ‘Trekëndëshi i Alaskës’, është një zonë e largët dhe pak e populluar midis qyteteve Anchorage dhe Juneau që autorët e përshkruan si ‘një pikë e nxehtë’ e shquar për UAP [UFO], si dhe çudira të tjera.’ Trekëndëshi, vunë re ata, ka qenë një hapësirë përgjegjëse për mbi 20,000 zhdukje të pashpjegueshme që nga vitet 1970.
