MacRumors ka publikuar disa foto të xhamave mbrojtës të prodhuar për modelet iPhone 13, me madhësi 5.4, 6.1 dhe 6.7 inç të cilat janë identike me modelet e iPhone 12. Ajo që vihet re nga këto foto është madhësia e notch-it, e cila duket të jetë më e vogël si rezultat i lëvizjes së speakerit në pjesën e sipërme të kornizës. Ky dizajn fillimisht ishte diskutuar se do të përfshihej në modelet e serisë 12 vitin e kaluar.
/article-new/2021/03/iphone-13-front-glass.jpg?lossy)
Analisti Ming-Chi Kuo dhe disa burime të tjera pohuan se komponentët në Face ID e re do të jenë më të konsoliduar në këto modele, duke rezultuar në një notch më të vogël, por nuk e kanë përmendur lëvizjen e pozicionit të speaker-it.
Ky dizajn i iPhone ka mbetur i pandryshuar që kur u përdor për herë të parë në iPhone X në 2017. Përtej notch-it, iPhone 13 pritet të ketë një pamje të jashtme identike me paraardhësit, një ekran të rifreskuar me refresh rate 120Hz, bateri më të mëdha, një proçesor të ri A15 si dhe përmirësime në kamera. Apple pritet të prezantojë iPhone-in e ri në shtator të këtij viti.
