Vivo ka prezantuar 2 prurje të reja në kategorinë e smartphone-ve të palosshëm, Vivo X Fold 2 dhe X Flip.
Vivo X Flip është tentativa e parë e kompanisë për krijimin e një smartphone-i të palosshëm të vogël, në formë të njejtë me Galaxy Z Flip, i cili vjen me një ekran të jashtëm 3 inç. Smartphone-i do të fuqizohet nga proçesori Snapdragon 8 Gen 1+ si dhe do të vijë me një kamera kryesore 50MP.
Ekrani kryesor AMOLED ka madhësi 6.74 inç, rezolucion FHD+ dhe refresh rate 120Hz, si dhe një kamera hole punch 32MP. Në pjesën anësore të smartphone-it gjendet gjithashtu dhe skanuesi i shenjës së gishtit.
Në pjesën e pasme, përveç kameras kryesore 50MP gjendet dhe një modul ultrawide 12MP, i njejtë me atë që gjendet në X Fold 2. Bateria 4,400mAh do të mund të karikohet shpejt me kabllo në 44W. Çmimet do të nisin nga $872 për modelin bazë 12/256GB.
Nga ana tjetër Vivo X Fold 2 vjen me një ekran të brendshëm 8.03 inç AMOLED dhe refresh rate 120Hz. Paneli ka një raport pamje 4:3.55 dhe një mekanizëm të përmirësuar për hapjen dhe palosjen e smartphone-it, i cili është më i lehtë dhe më i fortë se në versionin paraardhës X Fold dhe X Fold+.
Ekrani i jashtëm vjen me një madhësi 6.53 inç me teknologjinë AMOLED, refresh rate 120Hz dhe raport pamje 21:9. Në të dyja panelet gjenden sensorë me ultratinguj për skanimin e shenjës së gishtit dhe kamera selfie 16MP të organizuara në formën hole-punch. X Fold 2 është 1.5mm më i hollë dhe 30 gram më i lehtë se modeli paraardhës.
Në pjesën e pasme gjendet sistemi me 3 kamera të zhvilluara në bashkëpunim me Zeiss: ajo kryesore 50MP me sensor IMX866V, stabilizim optik dhe veshje Zeiss T* Coating të lentes, kamera ultrawide 12MP dhe lentja telephoto 2x që ofron zmadhim dixhital deri në 20x.
Bateria 4,800mAh do të mund të karikohet shpejt me kabllo 120W dhe 50W wireless. Vivo X Fold 2 do të vijë në dy konfigurime: 12/256GB për $1,308 dhe 12/512GB për $1,453.
