Pas lançimit të Phantom V Fold në fillim të këtij viti, Tecno po lançon sot Phantom V Flip, dhe pajisja ka një çmim mbresëlënës prej €700.
Tecno Phantom V Flip ndan shumë të përbashkëta me smartphone-t e tjerë të palosshëm. Në pjesën e brendshme gjendent një ekran i madh AMOLED 6,9 inç, 120 Hz që paloset në gjysmë për të shfaqur një ekran të jashtëm i rrumbullakët 1.32 inç ku mund të merrni njoftime dhe të kryeni detyra të kufizuara.
Ekrani i jashtëm përdoret kryesisht për njoftime dhe për të shkrepur fotografi selfie me kamerat e parme. Përtej ekraneve, telefoni i palosshëm i Tecno fuqizohet nga një MediaTek Dimensity 8050, ka 256 GB hapësirë ruajtëse dhe 8 GB RAM.
Ka një bateri 4000 mAh me karikim me tela 45W përmes USB-C, por nuk ka mbështetje për karikimin wireless. Sidoqoftë, ka një karikuese të përfshirë në kuti.
Konfigurimi i kamerave përfshin një kamerë kryesore 64MP dhe një lente ultra të gjerë 13MP, ndërsa një kamerë selfie 32MP është e disponueshme në ekranin e brendshëm. Ndërkohë, pajisja fizike vjen në ngjyrën e zezë dhe vjollcë.
Korniza metalike është e rrumbullakosur, ka një sensor të gjurmëve të gishtërinjve të montuar në anë dhe mentesha duket gjithashtu e ngjashme me Phantom V Fold. Tecno pretendon se nuk ka asnjë rrudhë palosje në Phantom V Flip dhe mentesha vlerësohet për të paktën 200,000 palosje. Megjithatë, ndryshe nga Fold, Flip mbështet aftësinë për të “pozuar” menteshën midis 30 dhe 150 gradë.
