Në fillim të këtij viti, Apple njoftoi disa ndryshime në politikat e saj të riparimit. Në përgjithësi, kompania e ka bërë më të lehtë për përdoruesit që të riparojnë iPhone-in e tyre me pjesë të përdorura origjinale. Megjithatë, në të njëjtën kohë, Apple gjithashtu njoftoi se do të sjellë Activation Lock për pjesët e iPhone, një shërbim që ndalon përdorimin e pjesëve nga iPhone-t e vjedhur. Ky funksion i ri është tashmë i disponueshëm dhe funksionon në iOS 18.
Siç vërehet nga BetaProfiles, versioni RC (Release Candidate) i iOS 18 i lëshuar për zhvilluesit dhe testuesit publikë beta të hënën mundëson Activation Lock për pjesët e iPhone. Funksioni, siç përshkruhet më parë nga Apple, lidh llogarinë tuaj Apple jo vetëm me iPhone-in tuaj, por edhe me komponentë të tillë si bateria, kamerat dhe ekrani bazuar në numrat e tyre individualë serialë. Qëllimi i Apple është t’i japë fund tregut për shitjen e pjesëve nga iPhone të vjedhur.
Deri më sot iPhone-t e vjedhur, dhe pse nuk mund të përdoren, mund të shiteshin për pjesë, të cilat kanë një vlerë të konsiderueshme. Me versionin e ri të iOS, dhe pjesët e një iPhone të vjedhur do të jenë të pavlefshme, pasi për të instaluar një nga këto pjesë në një smartphone të ri Apple kërkon fjalëkalimin e adresës së përdoruesit të mëparshëm.
Disa njerëz kanë provuar të shkëmbejnë pjesë midis iPhone-ve që përdorin iOS 18.0 RC dhe menjëherë i është shfaqur një tabelë që kërkon fjalëkalimin e llogarisë Apple për të zhbllokuar dhe verifikuar komponentin e përdorur. Sigurisht, gjithmonë do të ketë një person që mund të shmangë sistemet e sigurisë së Apple, por është mirë të shohim se si kompania po merr masa për të dekurajuar vjedhjen e iPhone.
Në këtë artikull do të gjeni listën e plotë të pajisjeve që do të përditësohen në iOS 18.
