10 vite më parë nisi periudha e artë e smartphone-ve. Në vitin 2014 u prezantua Samsung Galaxy S4, një ndër smartphone-t më të shitur Android të të gjitha kohërave, HTC One M7, LG G2 dhe shumë smartphone të tjerë. Mirëpo smartphone-i i parë që e nisi këtë periudhë ishte Sony Xperia Z, që u lançua në 9 shkurt 2013 në Japoni.
Sony pretendonte se Xperia Z ishte smartphone-i parë flagship që vinte me një çertifikim IP55 dhe IP57 për rezistencën ndaj ujit dhe pluhurave. Duhet theksuar se ky nuk ishte smartphone-i i parë që ishte rezistent ndaj ujit, pasi Motorola Defy e ofronte një shërbim të tillë që nga viti 2010, mirëpo Xperia Z ishte smartphone-i parë flagship me një aftësi të tillë, madje dhe më para se Samsung dhe Apple.
Samsung solli çertifikimin IP55 dhe IP 57 në serinë Galaxy në vitin 2015, ndërsa Apple në 2016.
Xperia Z erdhi gjithashtu me një dizajn tepër të veçantë dhe ikonik, që vazhdon të përdoret dhe në ditën e sotme me Xperia 1 IV. Suksesi më i madh i kësaj serie erdhi në vitin 2015 me Xperia Z5. Në këtë pajisje ofroheshin shërbime të veçanta si përshembull ekrani unik 4K dhe skanuesi i shenjës së gishtit i vendosur në pjesën anësore.
Për fat të keq smartphone-t e Sony nuk arritën asnjëherë të shndërroheshin në pajisje shumë të shitura në mbarë botën për shkak të problemeve kryesore si disponueshëmria, një problem që vazhdon ende në ditët e sotme dhe çmimi i lartë.
