iOS 17 dhe iPadOS 17 do të përfshijnë një shërbim të ri të quajtur “Screen Distance” i cili do t’ju paralajmërojë kur mbani një iPhone ose iPad shumë afër syve për një periudhë të gjatë. Apple thotë se shërbimi është krijuar për të ndihmuar në uljen e rrezikut të miopisë tek fëmijët, duke inkurajuar zakone të shëndetshme shikimi dhe mund të ndihmojë në uljen e lodhjes së syve në përgjithësi.
Screen Distance në iPhone iOS 17 mund të aktivizohet në aplikacionin “Settings” nën “Screen Time” → “Screen Distance“, dhe do të jetë e pranishme në të gjitha modelet e iPhone dhe iPad Pro me Face ID. Funksioni përdor të njëjtën kamera TrueDepth që fuqizon Face ID për të matur distancën midis ekranit dhe syve tua, dhe kur ju qëndroni pranë pajisjes për një kohë të gjatë (më afër se 30cm), do të shfaqet një pop-up në të gjithë ekranin që do të nxisë përdoruesit të largojnë pajisjen e tyre.
Kur shërbimi të jetë aktivizuar, përdoruesit do të marrin një paralajmërim “iPhone është shumë afër” sipas rastit. Pasi iPhone të zhvendoset në një distancë të sigurt, një shenjë do të shfaqet në ekran dhe përdoruesit mund të prekin butonin “Continue” për të vazhduar.
iOS 17 dhe iPadOS 17 do të lançohen më vonë gjatë këtij viti dhe aktualisht janë duke u testuar nga përdoruesit e regjistruar në programin beta të Apple. Që të gjitha pajisjet, duke nisur nga iPhone XS dhe më të reja si dhe modelet iPad Pro 11 inç dhe 12,9 inç të prezanuar nga 2018 e më vonë do të pajisen me shërbimin e ri Screen Distance.
