Një numër përdoruesish të iPhone 17 dhe iPhone Air po raportojnë një problem shqetësues, pasi telefoni i tyre nuk ndizet më pasi bateria shkarkohet plotësisht, edhe pasi futet në karikim. Ky problem është diskutuar gjerësisht në forume si Reddit, ku shumë përdorues përshkruajnë të njëjtin skenar: telefoni fiket, futet në karikim, por nuk shfaq asnjë shenjë jete, as ikonë karikimi, as logo, vetëm ekran i zi.
Edhe gazetari Benjamin Mayo nga 9to5Mac e ka përjetuar vetë këtë defekt. Ai tregoi se telefoni i tij u fik dhe, megjithëse e lidhi menjëherë me kabllon e karikimit, pajisja nuk reagoi fare për disa minuta. Nuk u njoh nga kompjuteri, nuk u ndez dhe nuk reagoi ndaj komandave për rindezje të detyruar.
Problemi duket se prek disa modele si iPhone 17, iPhone 17 Pro dhe iPhone Air, por jo të gjithë përdoruesit. Për disa ndodh rrallë, ndërsa për të tjerë përsëritet.
Zgjidhja më e përhapur, e sugjeruar nga komuniteti dhe e konfirmuar nga disa përdorues, është përdorimi i një karikuesi wireless (si MagSafe) në vend të kabllos Telefoni duhet lënë mbi të për rreth 10–15 minuta, pas së cilës zakonisht ndizet dhe rifillon të funksionojë normalisht, përfshirë edhe karikimin me kabllo.
Një shpjegim teknik sugjeron se bateria ka nevojë të arrijë një nivel minimal tensioni për t’u rindezur, dhe karikimi wireless mund të jetë më efektiv në këtë fazë. Disa përdorues kanë pasur sukses edhe me karikues më të fuqishëm (si adaptorë 61W ose 65W), ndërsa të tjerë janë detyruar të presin më gjatë.
