Nothing Phone 2A sapo është prezantuar pas pamjeve të publikuara gjatë MWC

Smartphone-t “budget”​ shpesh herë nuk janë shumë të bujshëm, por kjo gjë nuk është e njejtë në situatën e Nothing Phone 2a, i cili vjen me një dizajn krejtësisht unik.

2A është smartphone-i i tretë i prodhuar nga Nothing, ndërkohë që është i pari i cili vjen me një çmim mjaft të përballueshëm për shërbimet që ofron. Versioni bazë me 8GB RAM dhe 128GB internal storage do të ofrohet në treg për €329, ndërkohë që ju mund të zgjidhni të bëni tuajin dhe një version 12/256GB për €379.

Smartphone-i vjen me një ekran OLED 6,7 inç, 120 Hz me Gorilla Glass 5 dhe rezolucion 1080p. Ekziston një bateri masive 5,000 mAh që mbështet karikimin 45 W, megjithëse këtu nuk ka karikim me valë. Phone 2A përdor një çip MediaTek Dimensity 7200 Pro, të cilin e dinim tashmë, dhe vjen me një vlerësim IP54.

Nga dizajni mund të dallohet lehtësisht që është një smartphone nga Nothing, nga paneli i pasmë transparent deri te ndërfaqja elegante njëngjyrëshe. Moduli i kamerës në qendër përfshin një kamerë kryesore 50 MP me një lente f/1.8 dhe stabilizim optik, gjë që është shumë e rrallë në telefonat nën $500. Ka një kamerë 50 MP f/2.2 ultra të gjerë dhe një kamerë selfie 32 MP.

Tre shirita drite rreth kamerave të pasme përbëjnë ndërfaqen Glyph të Phone 2A, duke sjellë funksione të njohura nga Phone 2 si “Flip to Glyph” për të kuptuar se cili aplikacion po ju dërgon njoftime thjesht nga mënyra e ndezjes së dritave Gylph.