Detaje të reja po publikohen në lidhje me OnePlus 12 të ardhshëm, veçanërisht rreth sensorit kryesor të kamerës. Sensori quhet ‘Lytia’, i cili është një nën-markë e re e sensorëve të imazhit të Sony, i krijuar për të ofruar produktet më të avancuara të gjigantit të teknologjisë.
OnePlus 12 do të jetë telefoni i parë që do të inkorporojë sensorin e ri flagship, të koduar LYT-808. Thuhet se është me madhësi 1/1.4 inç, me rezolucion 50 MP dhe përfshin teknologjinë “double-layer transistorized“. Me sa duket kapaciteti i fotodiodës dhe madhësia e transistorit janë rritur, duke rritur sasinë e dritës që hyn në sensor dhe duke rezultuar në një përmirësim 2x në kapacitetin e sinjalit të saturuar. Thuhet se kjo përkthehet në cilësi imazhi lider në smartphone-t flagship, me “aftësi të shkëlqyera imazherie” duke përfshirë “shtresa të pasura, detaje të sakta dhe dritë e hije natyrale“.
Sensori gjithashtu supozohet të sjellë modalitete të shumta me high-dynamic dhe fokusim automatik me të gjitha pikselët.
Kamera telefoto në OnePlus 12 gjithashtu pritet të përmirësohet falë përdorimit të një moduli periskopi OmniVision OV64B. Kjo mundëson një gjatësi fokale ekuivalente 70 mm për zmadhim optik 3x, aperture f/2.6 dhe stabilizim optik të imazhit. Sensori do të jetë 1/2 inç, 64 MP që ofron një rritje të reklamuar prej 483% në ndjeshmërinë ndaj dritës, duke e bërë atë “kameran telefoto më të fuqishme të industrisë në ndriçim të fortë“.
Nëse OnePlus ndjek të njejtën rutinë si herët e kaluara, me shumë mundësi smartphone-i i ri do të prezantohet në janar të vitit 2024.
