Nothing Phone 2 është prezantuar zyrtarisht më në fund nga Nothing. Kompania kishte shfaqur pamje të ndryshme të këtij smartphone-i para këtij prezantimi, duke vënë në dukje dhe përmirësimet e bëra. Versioni bazë i Nothing Phone 2 do të kushtojë €679, dhe do të mund të blihet duke nisur nga data 17 korrik.
Do të ofrohen disa versione të ndryshme të këtij smartphone-i: 8/128GB do të jetë versioni bazë, por të pranishëm do të jenë dhe versionet 12/256GB (€729), 12/512GB (€849). Me sa duket çmimet do të rriten me €250 për këtë smartphone, pasi Nothing Phone 1 u lançua me çmimin fillestar €429.
Pjesa e jashtme me sistemin e dritave LED është shumë e ngjashme me smartphone-in e gjeneratës së parë, megjithatë janë bërë disa përmirësime duke shtuar numrin e dritave në segmente të caktuara, të cilat do t’ju japin informacione mbi baterinë e smartphone-it, volumin e muzikës apo dhe për shërbime të tjera. Më tepër rreth këtij përmirësimi do të mësoni këtu.
Nothing Phone 2 është pajisur me një proçesor më të shpejtë (Snapdragon 8+ Gen 1), bateri më të madhe (4,700mAh, 200mAh më e madhe), si dhe ekran më të madh (6.77” nga 6.55”). Një tjetër përmirësim është bërë në panelin e ekranit, i cili është më i ndritshëm (1,600 nits në krahasim me 700 nits). Bateria mund të karikohet me kabull në 45W, por mund të karikohet dhe wireless 15W.
Për sa i përket kamerave, do të gjenden dy të tilla 50MP në pjesën e pasme (ajo kryesore dhe ultrawide), ndërkohë që kamera selfie ka rezolucion 32MP. Tashmë Phone 2 mbështet regjistrimin në 4K 60fps në kamerat e pasme dhe 1080p 60fps në kameran selfie.
Nothing premton 3 përmirësime të versionit të OS dhe 4 vite përmirësime të sigurisë.
