Pas disa javësh plot me imazhe nga kënde të ndryshme të smartphone-it më të ri Android, Nothing ka prezantuar më në fund zyrtarisht Phone 1.
Lajmi kryesor është se Nothing Phone 1 do të vijë në treg me një çmim modest prej $475 në datën 21 korrik. Modeli bazë që kushton $475 vjen me 8GB RAM dhe 128GB internal storage. Gjithashtu do të ofrohen dhe dy modele të tjera 8/256 GB ($535) dhe 12/256 GB ($593).
Nothing tregon se ky smartphone do të dalë në shitje në 40 tregje botërore, duke përfshirë këtu Japoninë, Indinë, Mbretërinë e Bashkuar dhe pjesën tjetër të Evropës. Ndryshe nga kompanitë e tjera, të cilat i ruajnë detajet rreth pajisjeve të tyre deri në sekondën e fundit, Nothing ka vendosur që çdo javë të prezantonte informacione të reja rreth pajisjes së tyre.
Pjesa më e shpërndarë e këtij smartphone-i, që tërhoqi vëmendjen kryesore, ishte dizajni i jashtëm i pajisjes, me disa shirita dritash LED dhe xhamin e pasëm të tejdukshëm. Shiritat e dritave LED do të ndizen për t’ju njoftuar rreth mesazheve apo telefonatave më të reja, për t’ju treguar sasinë e baterisë së mbetur në pajisjen tuaj apo si dhe një dritë mbushëse për të ndihmuar në shkrepjen e fotografive në ambiente me pak ndriçim.
Në pjesën e pasme të smartphone-it gjenden dy kamera 50MP, një kryesore dhe një ultrawide me kënd 114 gradë, e cila mund të shkrepë dhe foto makro në distanca më të vogla se 4cm.
Në pjesën e parme Phone 1 ka një ekran 1080p OLED 6.55” dhe refresh rate 120Hz, së bashku me kamerën selfie punch hole 16MP. Nën ekran gjendet skanuesi i shenjës së gishtit, ndërkohë që pajisja fuqizohet nga proçesori Snapdragon 778G Plus.
Bateria ka kapacitet 4,500mAh dhe mund të karikohet deri në 33W me kabull ose 15W wireless.