Samsung prezantoi dy telefona inteligjentë të rinj të serisë Galaxy A, Galaxy A15 dhe Galaxy A25, në fillim të këtij muaji. Këto smartphone sjellin disa përmirësime harduerike në krahasim me paraardhësit e tyre, por më e rëndësishmja, ata janë telefonat e parë Samsung që lançohen me One UI 6 të instaluar nga kutia.
Vitin e kaluar, Galaxy A24 u bë telefoni më i lirë Samsung të cilit iu premtuan katër përmirësime të mëdha të sistemit operativ, dhe Galaxy A25 do të përfitojë gjithashtu nga këto 4 përditësime. Por fakti më interesant është se Samsung do të sigurojë gjithashtu që Galaxy A15 të përditësohet me katër gjenerata të sistemit operativ!
Kjo do të thotë se Samsung tani po garanton katër përmirësime të Android për telefonat inteligjentë Galaxy në çdo çmim, duke rritur më tej epërsinë e saj ndaj prodhuesve të tjerë të telefonave Android. Ne shpresojmë që gjigandi korean të marrë pak frymëzim nga politika e Google për përditësimet 7-vjeçare të sistemit operativ në të ardhmen, por duhet të kemi parasysh gamën e gjerë të pajisjeve që Samsung prodhon.
Përveç përditësimit deri në Android 18, Galaxy A15 do të përfitojë nga updates të sigurisë për pesë vjet.
