Gjenerata e re e iPhone 17 do të përdorë procesorët e quajtur A19 (për iPhone 17 dhe 17 Plus) dhe A19 Pro (për iPhone 17 Pro dhe 17 Pro Max) të cilët do të prodhohen me procesin më të fundit, të gjeneratës së tretë 3nm të TSMC të quajtur “N3P“, tha analisti Jeff Pu. Kjo gjë u bë e ditur përmes një shënimi më të gjerë kërkimor në lidhje me teknologjinë me bankën e investimeve me bazë në Hong Kong Haitong.
Çipat aktual A18 dhe A18 Pro për linjën e iPhone 16 prodhohen me procesin 3nm të gjeneratës së dytë të TSMC “N3E“, ndërsa çipi A17 Pro në modelet iPhone 15 Pro prodhohet me procesin 3nm të gjeneratës së parë të TSMC “N3B”. “N3P” konsiderohet si një version më “i tkurrurr” në krahasim me N3E, që do të thotë se çipat e prodhuar me procesin më të ri do të kenë densitet të rritur të tranzistorit.
Ndërsa kjo nuk është befasi, kjo do të thotë që modelet e iPhone 17 të vitit të ardhshëm duhet të kenë performancë dhe efikasitet të përmirësuar modest të energjisë në krahasim me modelet e iPhone 16.
Raportet e mëparshme treguan se TSMC do të fillonte prodhimin masiv të çipave të ndërtuar me procesin N3P në gjysmën e dytë të 2024. Në vitin 2026, Apple pritet të përdorë procesin e parë 2nm të TSMC për çipat A20 në modelet iPhone 18.
