Motorola të hënën publikoi disa pamje të versionit të ri të smartphone-it të palosshëm Razr me shumë ngjyra me një video të shkurtër të postuar në mediat sociale me etiketën “FLIP THE SCRIPT 06.25.24“.
Razr dhe Razr Plus për vitin 2024, të njohur gjithashtu si Razr 50 dhe Razr 50 Ultra, pritet të debutojnë në Kinë në 25 qershor. Pritet që telefonat e rinj të prezantojnë disa shërbime të fuqizuara nga AI dhe të kenë ekrane më të mëdha të jashtme.
Modelet e vitit 2023 u prezantuan në qershor të vitit të kaluar, por vetëm Razr Plus ishte në dispozicion atë muaj. Razr bazë nuk ishte i aksesueshëm deri në tetor. Pritshmëritë për atë smartphone ishin pozitive, kryesisht dhe për shkak të ofrimit të një produkti të tillë në çmimin $700. Nëse çmimi mbetet i njëjtë, Razr duhet të kushtojë rreth $700 dhe Razr Plus $1,000.
Faqja e internetit Smartprix raporton se një ngjarje globale vijuese do të pasojë zbulimin e 25 qershorit, duke e bërë telefonin të disponueshëm në më shumë vende përtej Kinës.
Smartprix raportoi informacione që sugjeronin se Razr 2024 do të ketë një ekran pOLED me shpejtësi rifreskimi 120 Hz dhe një ekran të jashtëm 3.63 inç. Ultra duhet të ketë një ekran më të madh të jashtëm prej 4 inç me një shpejtësi rifreskimi 165 Hz. Të dy telefonat pritet të kenë një kamerë kryesore 50 MP, por Ultra do të ketë një kamerë telefoto 2x në pjesën e pasme ndërsa Razr do të ketë një lente ultra të gjerë 13 MP. Ndërsa Razr do të fuqizohet nga një procesor MediaTek Dimensity 7300x 5G, Ultra do të ketë një procesor të gjeneratës së tretë Qualcomm Snapdragon 8s.
